تشرینی یەکەم 21, 2020

فیلمی دەرهێنەرێکی کورد خەڵاتی باشترین فیلمی هۆڵەندای بهدهستهێنا

فیلمی "سدیق و پڵنگ"ی ده‌رهێنه‌ری كورد، رێبه‌ر دۆسكی خەڵاتی باشترین فیلمی هۆڵەندای به‌ده‌ستهێنا

 

ناوەڕۆکی فیلمەکە باس لەوە دەکات، هه‌رێمی کوردستان لە شەستەکانی سەدەی رابردووەوە لەناو جەنگێکی ناڕەوادایە و بەردەوام خەڵکی کورد لە جێهێشتنی ماڵ و حاڵی خۆی و وێرانکاری و ڕاکردندا ژیاوە، بەردەوام نەخشەی ئەو وڵاتە لەگۆڕانکاریدا بووە.

سدیق کاراکتەری سەرەکی فیلمەکەیەو خۆشی ناوی محەمەد سدیق بارزانییە، جگە لەوەی زۆربەی دیمەنە ئەرشیفیەکانی ناو فیلمەکە کاتی خۆی بە کامێرای محەمەد سدیق گیراوە، لە بەرهەمهێنانی فیلمەکەش یاریدەدەری کامێرامان بووە.

سدیق پیاوێکە لەناو ئەو هەموو توندووتیژیەدا و لە ناو دڵەڕاوکێدا دەژی و بەتەنها شۆڕشێک دژی ئەوکەسانەی راودەکەن و بڵاوبوونەوەی نەخۆشی ناو ئاژەڵەکان و دژی سامانی هاوڕێی کە دەیەوێت بەرەو هەندەران رابکات بەرپادەکات.

لۆکەیشنی فیلمەکە لە زۆربەی ناوباخه‌کانی هه‌رێمی کوردستان تۆمارکراون و دیمەنە دڵڕفێن و سەرنجڕاکێشەکانی سروشتی کوردستان بوونەتە هەوێنی فیلمەکەی رێبەر، لەڕێی سدیق و بینینەکانیەوە مێژووی کوردستان نیشان دەدات.

بڕیاره‌ له‌ 10ی ئه‌م مانگه‌وه‌ نمایشی فیلمه‌كه‌ له‌ هۆڵه‌كانی سینه‌ما ده‌ستپێبكات.

 

عەبدولغەفار عەبدوڵڵا - هەولێر

© 2017 Hawler