ئەیلول 19, 2021

مەریوان سەفادین میلۆدییەكی تازە دادەنێت

هونەرمەندی دوورەوڵات مەریوان سەفادین لە نوێترین كاری هونەری خۆیدا میلیۆدیەكی تازە بۆ خانمە هونەرمەندی یەریڤان هەڵەبجەیی ئامادە دەكات.

مەریوان سەفادین، لە هەژماری تایبەتی خۆیدا لە تۆڕی كۆمەڵایەتیی (فەیسبووك)، نووسیویەتی: "نوێترین كاری هونەریم ئامادەكردنی بەرهەمێكە بۆ هونەرمەندی موزیسیان و گۆرانیبێژ یەریڤان هەڵەبجەیی كە بە هاوكاری هاوڕێم شادمێهر نامۆ ئامادە كراوە".
هەروەها مەریوان سەفادین ئەوەشی نووسیوە، "ئەم بەرهەمە لە هەموو ڕوویەكەوە كارێكی زۆر جوانە میلۆدییەكەی لەلایەن من و تێكستی شەپۆل و موزیك و میكس و ماسترین لە لایەن شادمێهر بۆ كراوە لە ئایندەیەكی نزیكدا كاری ڤیدیۆ كلیپی بۆ دەكرێت".
سەبارەت بە ئامادەكردنی بەرهەمەكانی خۆشی مەریوان سەفادین ڕایگەیاندووە: "ئەمساڵ لە بەرنامەمدایە كە كۆمەڵێ كار و چالاكی و بەرهەمی گۆرانی و ڤیدیۆ كلیپ پێشكەشتانی بكەم لە ئاوازی نوێ تێكستی نوێی موزیكی جوان و سەردەمیانە لە منەوە پێشكەش بە ئێوە".
مەریوان سەفادین لەهەڵەبجە هاتووەتە دنیاوەو ساڵی 1992 هاتووەتە نێو دنیای هونەرو تاكو ئەمڕۆ لەخزمەتكردنی هونەری كوردیی بەردەوامە، خاوەنی 2 ئەلبوومی گۆرانیی بڵاوكراوەیە بەناوەكانی دییە لەساڵی 2002 و جێژوان لەساڵی 2006 لەگەڵ كۆمەڵێ بەرهەمی تر كە بەتاك بڵاوبوونەتەوە. هەرواش ئەم هونەرمەندە یەكێك لەو گۆرانیبێژانەیە لایەنگریی هونەری رەسەنی كوردییەو ئەمەش لەكارەكانیدا بەشێوەیەكی كاریگەر رەنگدانەوەی هەبووە.
هەروەها لە ساڵی 2018 هونەرمەند مەریوان سەفادین لەگەڵ هونەرمەند " و ئاریان كەریم " بە یەكەوە گۆرانییەكی دوێت لە ژێر ناوی " كانی عاشقان " تۆماركرد و كە بە هاوكاری كۆمپانیای بابلیۆن لە سروشتی ناوچەی مێرگەپان كاری كلیپەكە بۆ ئەنجامدرا گۆرانی كانی عاشقان لە رووی ئاوازو داڕشتنەوەی چۆنیەتیی گوتنی خۆی دروستی كردووە، بەڵام بەشێك لەهۆنراوەكەی لە فۆلكلۆر وەرگیراوە و لە وڵاتی ئێران موزیكی بۆ ئامادەكراوە و لە سویدیش میكس و ماستیرینگی كردووە لەگەڵ هونەرمەند (ئاریا كەریم) بە شێوەی دوێت تۆماریان كردووە

© 2017 Hawler