تشرینی دووەم 26, 2020

دوای سێ ساڵ یانەی کەرکووک بە ستافێکی نوێیەوە دەس بە کار و چالاکییەکانی دەکاتەوە

 

ماوەی زیاتر لە سێ ساڵە یانەی کەرکووک بەهۆی کێشەو گرفتە سیاسیەکانی ئەو شارە، سەرجەم کاروچالاکیەکانی وەستابوو، جارێکی تر و لە میانەی هەڵبژاردنی دەستەی نوێی یانە وەرزشیەکان لەلایەن وەزارەتی وەرزش و لاوانی عێڕاق، هەڵبژاردن بۆ دەستەی نوێی یانەکان دەستی پێکردووە و یانەی کەرکوکیش هەڵبژاردنی ئەنجامدا و نەوزاد قادر بە سەرۆکی یانەکە هەڵبژێردرا، یانەکە کار لەسەر ئەوە دەکات کە جارێکی تر بەشداری کاروچالاکیەکانی کوردستان و عێڕاق بکات.

 

چۆن دەست بە چالاکیەکان

دەکەنەوە؟

هەڵبژاردنی دەستەی کارگێڕی نوێی یانەی کەرکووک بەڕێوەچوو، بەسەرپەرشتی وەزارەتی وەرزش و لاوانی عێڕاق و بەڕێوەبەرایەتی وەرزش و لاوانی کەرکووک هەڵبژاردنی نوێی سنوری پارێزگای کەرکووک دەستی پێکردووە، کا تا ئێستە هەڵبژاردنی بۆ یانەکانی کەرکووک و فەتاتی کەرکووک و کەیوان و لەیلان ئەنجامدراوە، یانەی کەرکووک دوای دابڕانێکی زۆر هەڵبژاردنی ئەو یانەیە ئەنجامدراو نەوزاد قادر بە سەرۆکی یانەی کەرکووک هەڵبژێردرا، دلێر خدر بووە جێگری سەرۆکی یانەکە و سیروان نەجمەدین وەک ئەمینداری دارایی یانەکە دەستنیشانکرا، سەعد مەحموود بووە سکرتێری یانەکە و هەریەک لە خالید تۆفیق، سەواش قادر، ئاسۆ عادل ئەندامانی دەستەی کارگێڕی یانەکە دەبن.

بەپێی زانیارییەکانیش یانەی کەرکووک دوای هەڵبژاردنی دەستەی کارگێڕی یانەکە، هەوڵ بۆ وەرگرتنەوەی یاریگەی یانەکە و دەسپێکردنەوە لە کاروچالاکیەکان لە خولەکانی کوردستان و عێڕاق دەدات.

 

هێمن ئەسکەندەر - هەولێر

 

© 2017 Hawler