ئاب 04, 2021

محەمەد ڕەنجاو

 

قەڵەمڕەوی کلتوری ڕق و کینە
ئێمە ئەو کلتورە ڕوناکبیریەمان نیە شـــانازی پێوە بکەین، لەبەر ئەوەنا کـــە ئێمە هیچمان نەکردووە، لەگەڵ نەزانراوەکان دەســـت و پەنجەمان نەرم نەکردووە، نا، بەڵكو لەبەر ئەوەیە ئێمە هەرگیز لەگەڵ گۆڕانکاریە نوێـــکان خۆمان ڕانەهێناوە، کە ئەمـــە جۆرێک لەو پەتا زهایمەرەی بۆ بەرهەمهێناوین کە ئێســـتامان قەتیس ئـــەکا، ڕوناکبیری کوردی لەبەر ئەوەی خۆی ڕانەهێناوە خۆی بخاتە ناو شەپۆڵی گۆڕانکاریە دەگمەنەکان و جددیەتی قسەکردن لەســـەر شتە گەورەو چارەنووسسازەکان، خۆی ڕاهێناوە لەسەر ختوکەدان لەسەر ئاسانکردنی شتە بچووکەکان، لەسەر پەتپەتێن وخۆدزینەوە لەکیشـــە گـــەورەکان و بە پەرواێزکردنی ئەمرۆ، چونکە بوغزو کینە موتوربەکراوەکانی ڕابردوو، میکانیزمی کاری هزری
ئەون. ئاراســـتەکانی ململانێـــی ئەوی دی لە چەقێکدا گیـــرۆدەی کردووە کە نەفەســـی لە بزاوتی گۆڕانکاریە گەورەکانی لەبەر بڕیووە، ئەو وادەزانێ بـــە بێزارکردنی هاووڵاتـــی و بەخشـــینەوەی نا ئارامی بـــە دەروونی کۆمەڵگا بەشـــێک لە پەیامەکەی خۆی گەیانـــدووە،، ئا،، دەکرێ ئەو بـــە بەکارهێنانی هـــەل و کینەدۆزی پەیامەکەی خـــۆی گەیاندبێ، ئەو پەیامـــەی درزێک دەخاتە ناو دیواری ئومێدبەخشـــی کۆمەڵگاو خەونی کوردی لەپـــەل وپۆدەخات، ئەمانە ئەو خەونانەمـــان لەبار دەبەن کە ئایندەمان بۆ دەکەن بەشـــتێکی تر، لەوانەیە ئەوان بۆ ئەم چرکەساتە ببنە ئەستێرەیەکی فوودراو لەرق و کینە و سۆسیال میدیا بەخۆیانەوە مەشـــغوڵکەن، بەڵام هەرگیـــز ڕۆڵیان نابێ لـــە گۆڕانکاریەکانی مژدەو خەونـــی گەورە، بەڵکـــو دەبنە بەشـــێک لەفوودانی ســـمت و مەمکە پڵیشـــاوەکانی ئەستێرەی ئەمەریکی کارداشـــیان،،جەلالەدینی ڕۆمیش دەمێکە وتوویەتی: "زۆر شـــتی سادەو ڕۆژانە هەن، زیاتر لە وروژاندنی بوغزو کینە ژیانمان دەڕازێننەوە، شتە سادەو ساکارەکان لەشتەچاک و جیاوازەکانن، بەڵام هەموو چاوێک ئەوە نابینێ

© 2017 Hawler