حوزەیران 22, 2021

زۆرترین بینراو بۆچوون

نامۆكانی كۆمەڵگا و مافە كەسییەكان

فاتیح ئیسماعیل ئەحمەد

 

كۆمەڵگا، بە سروشتی خۆی لە پێكهاتەی جیاواز پێكهاتووە، وەك: نەتەوە و ئایین و مەزهەب و رەنگ، ئیدی هەر یەكەش لەو پێكهاتانە و تەنانەت تاكەكانیش جیاوازن لەگەڵ یەكدی، بەڵام لە خاڵێكدا دەگەن بەیەك، ئەویش ئەوەیە كە هەموو ئازادن لە خواست و هزر و تێڕوان و ......هتد، بەس بەمەرجێك مەودای ئازادی هەر تاكێك تا ئەو سنوورەیە كە ئازادی بەرانبەر پێشێل نەكات، یاخود بەشێوەیەك لە شێوەكان
نەبێتە بێزاركردنی هەستی مرۆی و ئایینی و نەتەوەی و كەسانی دیكە. ئەگەر بڕوانین بۆ ئەو حاڵاتانەی لەم ماوەیەدا لە هەرێمی كوردستان روویاندا،جێگای
لەسەر وەستانە، بەوەی كە یەك نایەتەوە لەگەڵ پێوەرە،یاسای و ئایینی و كولتووری و كۆمەڵایەتیەكانی كوردستان، چ ئەنجامدەران چ رەخنەگران، بۆ نموونە: لە۲۰۲۱/٤/۲۲ چەند لاپەڕیەكی قۆرئانی پیرۆز لەشاری هەولێر بینرا، كە لەسەر شەقامەكان كەوتوو بوون، ئەوەش بووە جێگای سەرەنجی زۆر لە خەڵكی و بەڵكو تەواوی دامەزراوە فەرمیەكانیشی لێی هاتە دەنگ و ئیدانیانكرد و داوای رێكاری یاسایانكرد لەبەرانبەر ئەنجامدارنكرد، كە گوایە بەمەبەست ئەنجامدراوە؟؟؟!!. هەرچەندە سەرەتا ئەنجامدەرەكەی دیار نەبوو، بەڵام كەسی ئەنجامدەر هەر خودی خۆیزیاترپەرۆشبوو لە هەموو لایەك و هاتە دەنگ و ووتی بەهەڵە بوو و هیچ هەوڵێك نەبووە بۆ ئەنجامدانی. كە بەداخەوە لەلایەن خەڵكەهەر زۆر زوو حكوومی پێشوەختی خراپیلە بارەوە درا، ئەوەش بۆ خۆی جیگای هەڵوێستە لەسەركردنە؟؟.
هەر بۆ شەوی دوای(۲۰۲۱/٤/۲۳) لە سلێمانی و لە جێگایەكی تەواو گشتی، كچ و كوڕێك بە رەگەز بیانی سەمایەكیان ئەنجامدا، هەر زۆر زوو كۆمەڵگا بوونە دوو بەش، بەشێك بە رەفتارێكی ناڕەوایان دانا و تەخوینێكیان بۆ كردن؟؟!!، بەوەی لە شوێنێكی گشتی و لە مانگی رەمەزاندا لادانیان لە ئاكار و ئایینكردووە؟!، كە زۆریان خۆیان لێكردینە رێنیشاندەر و كەوتنە ئامۆژگاریكردن كە نابێت ئەو لادانە ئایینیە رێگا بدرێت؟!.
بەشەكەی دیكەشیان ئەنجامدانی ئەو سەما خۆرسكەیان گەڕاندەوە بۆ ئازادی تاك و زۆریش بە ئاسایی دایانا؟!،لەوەش زیاتر هەر خودی سەماكەرەكانیش هاتنە سەر شاشەوە داوای لێبوردنیان كرد كە هیچ مەبەستیەكیان نەبووە بۆ سوكایەتی و بێ رێز بە خەڵكی خودان ئاین، بەڵكو تەنیا گۆرانیەكە و كەشوهەواو و جێگاكەپاڵنەربووە.
بەڵام شەوی دواتر چەند گەنجێك هەرلەو جێگایەی كە سەماكەی لێ كرا، نوێژی
تەراوحیان ئەنجامدا، بۆ ئەمەش كۆمەڵگا بوونە دووبەش، كە هەندێك زۆر بە ناشرینی باس و رەخنەیان لە ئەنجامدەرانی نوێژ خوێنان گرت، بەوەی نابێت لەو جێگایە نوێژ بكرێت و هەندێكی كەش بە حەقی خۆیان زانی.ئیدی خەڵكی هەر دوو
بۆچوونەكە قسەیان كرد، تەنیا دامودەزگا فەرمیەكان هیچیان نەووت؟؟!!. دواتریش هەر لە ناو جەرگەی شاری هەولێر كچێكی بەرەگەز سووری، پۆستێكی نووسی و لەبەر سنگی خۆیدا و ووتی: باوەشی خۆرای؟! گوایە چاڵنجێكی كردووە، ئەمەش هەر بەدەردی ئەو دوو سەماكەری سلێمانی، كۆمەڵگا دیسانەوە بوونە دوو
بەش و كەوتنە ستایش و رەخنە و تۆمەت و مافی كەسی و .....هتد.
ئەگەر سەیرێكی ئەو دیمانانە بكرێن كە لەسەرەوە هاتووە، كە تەواوی تۆڕە كۆمەڵایەتی و سۆشاڵ میدیای گرتووە، كۆمەڵگاشدابەش بووەنەوە، چونكە ئەو حاڵاتانە هیچیان بە یاسا رێك نەخراون، بەڵكو بە ئاكار و بە میزاجی كەس و بیركردنەوەی كەسی، رەوایەتی و نارەوایەتی پێدەدرێت؟؟!!، بەڵام دەبێت لەوە تێ بگەین كە ئەوانە نامۆیە یان نامۆ نی یە بە ئاكاری كۆمەڵگای كوردی، دەبێت لە چوارچێوەیەكی یاسا بێت؟!.
جاهەندێك كەس ئەوانە بە شتە پڤەكان دادەنێت و هەندێكیش بە مافی سەرەتای تاكی دادەنێت؟؟! ئەوەش بۆچوونی كەسی یە نەك فەرمی، بەڵام جیاوازییەكە زۆرە، چونكە تا ئێستا یاسا رێكاری پێویستینەگرتۆتەبەر
بۆ ئەو حاڵاتانە.
بۆیە دەگینە ئەو ئەنجامی، كە دامەزراوە فەرمیەكانی هەرێمی كوردستان،بۆ ئەو جۆرە حاڵاتانە هەتا ئێستا یاسایەكیان نییە كە ئایائەو حاڵاتانە شیا و یانناشیاوە، مافە یان ماف نییە؟؟!! چونكە دەبێت ئەوە لە چوارچێوەی یاسادا مامەڵەی لەگەڵ بكرێت. كە ئەوەش كەموكوڕیەكە لە دامەزراوە فەرمیەكان، بۆیە پێویستە بە زووی رێكاری پێویستی یاسای بۆ شتە نامۆكانی نێو كۆمەڵگای كوردی دابنرێت و خواست و مافی تاكیش بەشێوەك رێگا پێدرابێت گونجا بێت لەگەڵ كولتوور و عادەت و ئاینی كۆمەڵگا، نەك چاوەڕێی میزاجی كەسی بكرێت كە چی بە شیاو دابنێت و چی
بە ناشیاو دابنێت؟؟!!

© 2017 Hawler