حوزەیران 22, 2021

زۆرترین بینراو بۆچوون

خۆزگە لەوێش لە باتی گوڵەباران دادگایی دەکران

هاودەنگ فاروق

 

نابـــێ ئـــەو نەریتە ناشارســـتانیی و دوواکەوتـــووە لە کوردســـتان جێی بۆ بکرێتەوە،حزب و کەســـانی سیاسی ڕێگە بە خۆیان بدەن دەست لە کاروباری دادگاکان وەربـــدەن؛ بەداخـــەوە موزایەدەچییـــەکان لـــە باتی ســـەندیکای ڕۆژنامەنوسان پۆشاک وناسنامەی میدیاکاریی بۆ ئەو سزادراوانە چێ دەکەن، کەچی ساحێبی قەزیە ســـەندیکای ڕۆژنامەنووسان، هەر لە سەرەتاوە وەكوو رۆژنامەنووس نەیناســـاندوون، بەڵام لایەنی سیاســـی هەیە؛ خۆی مێژوویەکی ڕەشـــی لە کوشتن و ڕاودونان و ســـەرنگومکردنی نوســـەرو ڕۆژنامەنوساندا هەیە،ئێستا خۆی کردۆتە فریشـــتەو، کەوتۆتە چەواشەکاریی و ئەو کەیسەی
کردۆتە پێخۆری سەرەتایەکی ناشیرن بۆ هەڵمەتی هەڵبژاردن .
ئەو فەوزایەی لە ئارادایە، ئامانج لێی شـــکاندنی شکۆی دادگا و دادوەرانە، بۆ ئەوەی تیرۆریســـت و تێکدەر و خاکفرۆش و مافیاکان بتوانن بە ئاســـانی بە بەرگی ڕۆژنامەوانییەوە،یاســـای ڕۆژنامەنووســـانی کوردســـتان بۆ هەموو کردەوەیەکـــی ناڕەواو ئاژاوەگێڕی بقۆزنەوە، کەســـیش نەبـــێ لێپێچینەوەیان لەگەڵدا بکات.
ئەو کەســـانەی لەم کەیسە جینائیی و یاســـاییەدا، بوونەتە بانگەشەکاری
چەواشەکار، هیچ سۆزییان بۆ ئەم چەند گەنجە لەخشتەبراو و بەدبەختە نییە، بەڵکـــو دەیانەوێت لە پەنای بەرگریی کوێرانە لێیان هەرچی ڕقوکینەیان هەیە بەرامبەر پارتی هەڵیڕێژن،لەلایەكیشـــەوە حەز ناكەن لەم كوردســـتانەدا یاسا قســـەی یەكەم و کۆتایی بكات، چونكە هەر خۆیان لەسەر مەسەلەی مافیایی خاكفرۆشی دەبێ ڕۆژانێک بێنە بەردەم ئەو دادگایە و وەڵامی گەل بدەنەوە.
با خەڵكی كوردســـتان كڵاوی خۆیـــان بكەنە قازی و بڵێن؛ جگە لە مافیا و تیرۆریســـت و خاکفرۆش و داگیرکەر کێ سوود لەو نائارامییە دەبینێ، کەی وەختی ئەوەیە لەم دۆخە هەستیارەو لەبەردەم هەڵبژاردنێکی چارەنووسسازدا، گەلی کوردستان بەم کەیسە سەریحاڵ بکرێت ودڵ و دەروونی خەڵک ناڕەحەت
بکرێت. ئاخـــر ئەو چەند گەنجـــە لە هەولێر بە بەرچاوی ڕای گشـــتییەوە دادگایی
کـــراون، پارێزەریـــان هەیە، بەڵام لە ســـلێمانی و گەرمیان،لـــە باتی گرتن و دادگاییکردن،ڕۆژنامەنـــوس گوڵەباران کراوە، ســـەرنگوم کراوە، تەســـلیمی وڵاتانی ئیقلیمی کراونەتەوەو لە سێدارەدراوە، کاوە گەرمیانی و ئامانج بابانی و خیزانەکەی، مستەفا سەلیمی و دەیان نمونەی دیکە.

© 2017 Hawler