ئازار 08, 2021

شیما مسته‌فا

 

گومان د وێ چەندێ دا نینە کو حەزا خوە پێشخستن و وەرارا تاکەکەس ل دەڤ هەر کەسێ هەیە، ئەڤە حەزەکا نە ئیرادی یە و ڕیشالێن وێ هەر ژ دایکبوونێ دەست پێ دکت.ل دەمێ ژ دایکبوونێ هەر چەندە هزر و بیر نینە بەلێ د هەوڵدانێن بەردەوام دایە پیخەمەت دەست ڤە ئینانا پێتڤیێن خوە یێن سەرەکی چ یاری بن یان خوارن و ڤەخوارن. خوە پێشخستن خالەکا گرنگ و پێتڤیەك سەرەکی یە د ژیانا هەر مروڤەکی دا و پێتڤیە بو جڤاکی ژی. ژ بەر کو جڤاك پێکهاتیە ژ مروڤان و پێنگاڤێن مروڤان جڤاکی پێش دئێخن یان پاشڤە دبن. هەڵبەت گەلەك ڕێك یێن هەین کو مروڤ بشێت خوە پێش بێخت ژ وانا خواندن و دویڤچوونا بەردەوام بو وەرگرتنا پێزانینێن جوڕاوجوڕ و مفا وەرگرتن ژ لایەنێن جودا جودا یێن میدیایی. گەلەك ژ ڤان ڕێکا کێم دەم بو دڤێت و ب ساناهی ب دەست دکەڤن.نەزانین دەردەسەریەك مەزنە بو مروڤایەتیێ و گەلەك ئاریشەیان لگەل خوە پەیدا دکت و شوینوارێن خراب ل دویڤ خوە دهێلت لەوڕا خوە پێشخستن دبت ئەگەرێ نەمانا نەزانینێ و خوە ڕزگار کرن پێتڤیە بو هەر جڤاکەکی.وەرگرتنا زانینێ هەلبەت ل قوتابخانێ دەست پێ دکت و ئەڤە ئێکەم پێنگاڤە بەلێ زانین بتنێ ل قوتابخانێ ناهێتە وەرگرتن و زانین بتنێ ل قوتابخانێ ناهێتە دەست ڤە ئینان. پێتڤیە ب ڕێکا خواندنا پەرتوکان و بوراندنا دەمی ل جهێ تەلەفون و یاریان ڤە کەس خوە فێڕ بکت ب بابەتێن مفادار وەك فێڕبوونا زمانێن بیانی یان نڤێسینا بابەت و بوارێن دی و ئەڤە ژی نە بتنێ مفایی دگەهینت کەسەکی بەلکی مفادارە بو سەرجەم جڤاکی. هەروەسا کەسێن خوە پێش د ئێخن نە بتنێ دەرفەتی ددن خوە بەلکی ڕێزێ ددن کەسێن دی و سروشت و ئاژەلان و د ناڤ جڤاکی دا خودان بها و ڕێزن ژی. وەرگرتنا زانینێ د سەرجەم بیرە باوەران دا کارەکێ پێتڤی کریە ل سەر هەر کەسەکێ بێی جیاوازی .جڤاکێن خوە پێش نە ئێخن هەردەم هاتینە داگیر کرن ژ لایێ دوژمنان ڤە و هەردەم دژایەتی وان دهێتە کرن و هەردەم ئامانجێن ڤەکری نە و ب ساناهی دهێنە بن دەست کرن و کونترول کرن.ئەڤجا زانین ب خوە سەرکەفتنە نەك بو کەسی بتنێ بەلکی بو هەمی مروڤایەتیێ.

 

© 2017 Hawler