تشرینی یەکەم 25, 2020

بەشێك لە رێنماییەكان پێویستیان بە پێداچوونەوەیە

لەگەڵ ئەوەی لە ئێستا دا قۆناخێكی سەختی ئابوری لە هەرێمی كوردستان و عێراق گوزەردەكات هەموو چینەكانی كۆمەڵگە بە دەست ئەو نەهامەتیە دەنالێنن ئەوە لەلایەك، لەلایەكی تریش بەشێك لە رێنماییەكان بوونەتە كۆسپ لە بەردەم مامۆستا و فەرمانبەران كە ژیان و ماندوو بوونی مامۆستا و فەرمانبەر لە بەرچاو ناگیرێ، لە هەر قۆناخێك كە بۆ هەریەك لە ئێمەمانان رەنگە دەرفەتی خوێندن نەڕەخساو بێت، بەڵام كاتێكی لە بار هەڵ رەخساوە و دەستمان بە خوێندنی زانكۆ كردۆتەوە بەشێك لە رێنماییەكانی وەزارەتی دارایی بۆ وەزارەتی پەروەردە بە تایبەت بۆتە كۆسپ بۆ ئەوەی رەنج و ماندووبوونی مامۆستا لەبەر چاو نەگیرێ، ئەوەی لێرە دەمەوێ باسی بكەم رێنمایی ژمارە 19ی ساڵی 2010ی وەزارەتی پەروەردەیە بە ژمارە (17826) دەقی بڕیارەكە وایە كە دەلێ كە تایبەتە بە دەرماڵەی بڕوانامە" ئەم دەرماڵەیە خەرج دەكرێ لە سەر بنەمای دواین بڕوانامە كە فەرمانبەر بەدەستی دەهێنێت، بە مەرجێك بڕوانامەكەی پەیوەندی هەبێت بەو كارەی كە پێی هەڵدەستێت، واتە ئەم بڕوانامەیە تایبەتە بە دواین بڕوانامەی كە پێشتر بەدەستی هێناوە بۆنموونە ئەگەر فەرمانبەرێك بڕوانامەی ماستەری بەدەستهێنا لە كاتی خزمەتی وەزیفیدا دەرماڵەكانی لە سەر ئەو بڕوانامەیە بۆ خەرج دەكرێت(ماستەرەكە) نەوەك لە سەر بڕوانامەی بكالۆریۆس كە پێشتر هەیبووە، ئەوەی جێگای تێبینیە لە كوردستان رێنمایی شوێنی یاسای گرتووە، وە ئەوەش پێچەوانەی دەسەلاتی یاسا دانانە، چونكە ناكرێ بە رێنماییەك یاساكان پشتگوێ بخرێت، چونكە یاسا، یاسایە لە رێگای دەنگدان لە پەرلەمان دەردەچێ، بەڵام رێنمایی میزاجی كەسییە بۆ رێگری كردن لە كارێك یان رێگەپێدان بەكارێك، جا بۆ ئەو مەبەستە داوا پەرلەمان و حكومەتی هەرێمی كوردستان دەكەم كاركردن بە یاسا بگەرێندرێتەوە بەمەبەستی ئاسانكاری بەتایبەت لە بواری پەروەردە و خوێندنی باڵا كە بنچینەی سەرەكی لە خوێندنی باڵا بەكالۆریۆس بە پسپۆڕی هەمیشەیی هەژمار دەكرێ نەوەك بڕوانامەی دبلۆم، بۆیە پێویستە لە سەر لیژنەی دارایی لە پەرلەمانی كوردستان چاوێك بە یاساكانی وەزارەتی دارایی بخشێنەوە بۆ ئەوەی خزمەت بە چینی گشتی بكەن، ئەوانەی شەونخونیان كردوە بۆ بەدەستهێنانی بڕوانامەی بەرزتر لەكاتێكدا ئەوانە زۆربەی چینی هەژاری كۆمەڵگەن كە بەهەر هۆكارێك بووبێت نەیاتنوانی بێ خوێندن تەواو بكەن ئێستا خوێندنەكانیان تەواو كردوە و رێز لە بەدەستهێنانی بڕوانامەكەی بگرن، نەك بە میزاجی شەخسی زۆر شت هەیە رابگیرێ، داوا لە ئەنجومەنی وەزارەتی پەروەردەش دەكەم خودی وەزیری پەروەردە بێتە سەر خەت بۆ ئەوەی بتوانێ ئەم بڕیارە پێداچوونەوەی پێ بكرێ مامۆستایەك لە كاتی گۆڕینی ناونیشانی وەزیفی بۆچی ئەو بڕوانامەی بۆ هەمار دەكرێ لەگەڵ دەرماڵەكەی كە بەدەستی هێناوە هەر لەم وەزارەتەش ماوەتەوە، هیوادارم ئەو كابینەی كە پەیامی چاكسازی و دادپەروەری هەڵگرتووە هەردوو وەزیری دارایی و پەروەردە بەیەكەوە بتوانن كارێك بكەن بۆ بەرژەوەندی گشتی و هەموو مامۆستا و فەرمانبەرانەی كە لە پێشووتر بڕوانامەی تریان بەدەستهێناوە كە دبلۆمەكەیان پسپۆرییەكی ترە دەرماڵەیان بۆ خەرج بكرێ، چونكە هەر لەهەمان وەزارەت و سلكی پەروەردە درێژە بە خزمەتی وەزیفی خۆیان دەدەن، ئەوەش جێگای هەڵوەستە لە سەر كردنە كە لەم بارودۆخە ناهەموارە لە بڕی هاوكاری كردنی مامۆستا و فەرمانبەران بە رێنماییەك رێگری لە دەرماڵەكانیان دەكرێ، هیوادارم لیژنەكانی پەروەردە و دارایی لە پەرلەمان كە چەندین جار پەیوەندیمان بە بەشێك لە ئەندامانی پەرلەمان كردوە وەلامیان نەبووە بۆ قسەكردنمان لە سەر ئەو كێشەیە بێنە سەر هێل كە خۆیان بە نوێنەری خەڵك دەزانن كە ئەوان نوێنەری گەڵن لە هۆڵی پەرلەمان بۆ ئەوەی مافی من و سەدانی وەكو من بگەرێتەوە كە خزمەتمان هەیە لە بواری پەروەردە وەكو پێشمەرگە ئاسا خزمەتی پرۆسەی پەروەردە و فێركردنمان كردوە لە قۆناخەكانی خزمەت كردن.

 

کارزان کانەبی

© 2017 Hawler