حوزەیران 22, 2021

دكتۆر شێركۆ بابان كۆچی دوایی كرد

دكتۆر شێركۆ بابان، مامۆستای زانكۆ، له‌ به‌شی ئه‌ندازیاری میكانیك له‌ زانكۆی سه‌ڵاحه‌دین و هاوكات نووسه‌ر و زمانناسی كورد، ئه‌مڕۆ له‌ ته‌مه‌نی 68 ساڵیدا كۆچی دوایی كرد.

ناوی راسته‌قینه‌ی دكتۆر شێركۆ بابان "شێركۆ عه‌بدولكه‌ریم ته‌وفیق بابان"ـه‌ و له‌ ساڵی 1953 له‌ چه‌مچه‌ماڵ له‌دایك بووه‌.

خوێندنی سه‌ره‌تایی و ناوه‌ندی له‌ چه‌مچه‌ماڵ ته‌واو كردووه‌ و قۆناغی ئاماده‌یی له‌ كه‌ركووك خوێندوویه‌تی.

له‌ ساڵی 1976 له‌ زانكۆی ته‌كنه‌لۆژیای به‌غدا بڕوانامه‌ی به‌كالۆریۆسی به‌ده‌ستهێناوه‌، له‌ ساڵی 1980 چووه‌ته‌ فه‌ره‌نسا و له‌ ساڵی 1985 بڕوانامه‌ی دكتۆرای له‌ بواری ئه‌ندازیاری میكانیكی له‌و وڵاته‌ به‌ده‌ستهێناوه‌ و دوا وێستگه‌ی ژیانی مامۆستای به‌شی ئه‌ندازیاری میكانیكی بووه‌ له‌ زانكۆی سه‌ڵاحه‌دین.

دكتۆر شێركۆ بابان ژماره‌یه‌ك به‌رهه‌می جۆراوجۆری له‌ رێزمانی كوردیدا هه‌یه‌، ئه‌وانیش:

- بەرەو رێزمانی کوردی، بەرەو نووسین، 2000

- شرۆڤەکاری رێزمانی لە زمانی نووسیندا، 2000

- زمانی نووسینی رێزماندار، ھەولێر، 2008

- رستەسازی و شیتەڵکاری زانستی، 1996

- میکانزمە بنەڕەتییەکانی رستەسازی، 1997

- رێزمانی پاشگری دووپاتی «ەوە»، 2001

- رێزمانی کەسی سێیەمی تاک، 2004

- لە مۆرکە تایبەتییەکانی رێزمانی کوردی، 2000

- داینامیزمی جێناوی لکاو لە رستەسازیدا، 1997

- نەخشەی رۆنانی رێژەی کار، 1999

© 2017 Hawler