ئایار 16, 2021

وەقفی سوننەی عێراق یەکەم رۆژی مانگی رەمەزانی دیاریکرد

وەقفی سوننەی عێراق بڕیاری لەبارەی یەکەم رۆژی مانگی رەمەزان دا و دەڵێت، سبەینێ تەواوکەری مانگی شەعبانە و رۆژی سێشەممە 13ی نیسان یەکەم رۆژی مانگی رەمەزانە.

د. سەعد حەمید کەمبەش، سەرۆکی دیوانی وەقفی سوننە و سەرۆکی دەستەی باڵای چاودێریکردنی مانگ لە دیوانی وەقفی سوننە رایگەیاند، دەستەی باڵا بۆ چاودێریکردنی مانگ کۆبووەتەوە و لەبەرئەوەی مانگ لەڕووی شەرعی و فەلەکی لە عێراق نەبیندراوە، بۆیە سبەی دووشەممە 12ی نیسان تەواوکەری مانگی شەعبانە، رۆژی سێشەممە 13ی نیسان یەکەم رۆژی مانگی رەمەزان دەبێت.

هەر ئەمڕۆ وەزارەتی ئەوقاف و کاروباری ئایینی هەرێمی کوردستان بڕیاری لیژنەی بینینی مانگی ئاشکرا کرد و ئاماژەی بەوە کرد، سبەی دووشەممە 12-04-2021 تەواوکاری مانگی شەعبانە و رۆژی سێشەممە یەکەم رۆژی مانگی رەمەزانە.

پێشتریش میدیاکانی سعودیە رایانگەیاند، رۆژی سێشەممە 13ی نیسان یەکەم رۆژی مانگی رەمەزان دەبێت.

© 2017 Hawler