نیسان 15, 2021

سه‌رۆك بارزانی پێشوازی له‌ پاپا فرانسیس كرد

ئه‌مڕۆ یه‌كشه‌ممه‌ 7-3-2021 سه‌رۆك بارزانی له‌هه‌ولێر له‌گه‌ڵ قه‌داسه‌تی پاپا فره‌نسیس ،پاپای ڤاتیكان كۆبووه‌وه‌ .
پاپا فرانسیس، دوای گه‌یشتنی بۆ هه‌ولێر، له‌گه‌ڵ سه‌رۆك بارزانی كۆبووه‌وه‌ و له‌ كۆبوونه‌وه‌كه‌شدا سوپاسی تایبه‌تی سه‌رۆك بارزانی كردووه‌ بۆ پاراستنی پێكهاته‌ ئایینی و نه‌ته‌وه‌ییه‌كان له‌ هه‌رێمی كوردستان و هێنانه‌ ئارای ره‌وشی پێكه‌وه‌ژیانی ئاشتییانه‌ له‌ نێوانیاندا. 
پاپا فرانسیس له‌ كۆبوونه‌وه‌یدا له‌گه‌ڵ سه‌رۆك بارزانی ئاماژه‌ی به‌وه‌ كردووه‌، كه‌ سه‌ردانی ئه‌وانی له‌بیر نه‌چۆته‌وه‌ و به‌هۆی سه‌ردانی سه‌رۆك بارزانی و سه‌رۆكی حكومه‌ت، هاتووه‌ته‌ هه‌ولێر و سه‌ردانی هه‌رێمی كوردستانی كردووه‌. 
شا‌یانی باسه‌ سه‌ر له‌به‌یانی ئه‌مڕۆ پاپای ڤاتیكان گه‌یشته‌ هه‌ولێری پایته‌خت و له‌لایه‌ن نێچیرڤان بارزانی،سه‌رۆكی هه‌رێمی كوردستان و مه‌سرور بارزانی ،سه‌رۆكی حكومه‌تی هه‌رێمی كوردستان له‌فڕۆكه‌خانه‌ی نێوده‌وڵه‌تی هه‌ولێر پێشوازی لێكرا.

© 2017 Hawler