ئەیلول 18, 2020

ڕووبەڕووبوونەوە لەنێوان کارمەندانی هاتووچۆی سلێمانی و هێزیکی ئەمنی ڕوویدا

ژمارەیەك پۆلیسی هاتووچۆ دەستگیركران

هێزێكی تایبەت لەشاری سلێمانی چوونە ناو بەڕێوەبەرایەتی پۆلیسی هاتووچۆی سلێمانی و ژمارەیەک کارمەندی بەڕیوەبەرایەتییەکەیان دەستگیرکرد .
دوێنێ، بەشێك لەكارمەندانی پۆلیسی هاتووچۆی سەر بە بەڕێوەبەرایەتی گشتیی هاتووچۆی سلێمانی مانگرتنیان لەكاركردن راگەیاند، بە هۆکاری وەرنەگرتنی مووچەكانیان، بە گوێرەی زانیاریەکان هێزێكی تایبەت، كە سەر بەلیوای یەكی سلێمانی بوو ون چوونەتە ناو بەڕێوەبەرایەتییەكە و كارمەندە مانگرتووەكانیان لەگەڵ خۆیان بردووە.
لەكاتی چوونی هێزەكەش بۆ دەستگیركردنی ئەو كارمەندانەی مانیانگرتبوو لە کارەکانیان، رووبەڕووبوونەوە لەنێوان هەردوولا روویداوەو بەو هۆیەشەوە چەند كارمەندێكی بەرێوەبەرایەتیەکە ئازاریان پێگەیشت.
جێگەی ئاماژە بۆ کردنە، هێزە تایبەتەكە، دوای دەستگیرکردنی شەش كارمەندەکەی بەرێوەبەرایەتی هاتووچۆی سلێمانی، بردوونیان بۆ زیندانی كانی گۆمە و لەوێ‌ لێپرسینەوەیان لێكردوون‌ و دواتر ئازادیان كردوون.
بەشی هەواڵ

© 2017 Hawler