کانونی یەکەم 06, 2021

زۆرترین بینراو

Error: No articles to display

سەركردەیەكی باڵای جەهەپە:جەهەپە نەدەبوایە رێگە بدات پارێزبەندی لەسەر ئەندام پەرلەمانان هەڵبگیرێت

موحەرەم ئینجە، ركابەری كەمال كلیچدارئۆغلو دەكات بۆ ئەوەی لە 36 ەمین كۆنگرەی پارتی گەلی كۆماری جەهەپە ببێتە سەرۆكی پارت، كە بڕیارە 4 رۆژی تر ببەسترێت.

ئینجە ئەندامی سەركردایەتی جەهەپەیە و، لە هەمان كاتدا ئەندام پەرلەمانە، ئەو دەیەوێت لە كۆنگرەی جەهەپەدا پۆستی سەرۆك وەربگرێت و رەخنە لە كەمال كلیچدارئۆغلو سەرۆكی ئێستای جەهەپە دەگرێت، بە تایبەت لە هەڵگرتنی پارێزبەندی لەسەر ئەندام پەرلەمانان، كە پاڵپشتی لە ئاكپارتی كردوە

.
ئەو لە دیمانەیەكیدا لەگەڵ رۆژنامەی (سۆزجو)ـی توركی كە ئەمڕۆ بڵاوكراوەتەوە، پێیوایە جەهەپە هەڵە بوو دەنگی بۆ هەڵگرتنی پارێزبەندی لەسەر ئەندام پەرلەمانانی توركیادا.
گوتیشی: "ئاكپارتی و مەهەپە پڕۆژەیەكیان هێنایە پەرلەمان تا پارێزبەندی لەو ئەندام پەرلەمانانە هەڵبگیرێت، كە داوای یاساییان لەسەر تۆمار كراوە. جەهەپە پشتی هەدەپەی نەگرت و لەگەڵ ئاكپارتیدا بە بەڵێ دەنگی بۆ هەڵگرتنی پارێزبەندیدا، هۆكارەكەشی ئەوەبوو ترسا بڵێن جەهەپە و هەدەپە بوون بە هاوپەیمان، كە ئەمەیش هەڵە بوو و دەبوایە وەكو هەدەپە بڵێن نەخێر".
لە بەشێكی تری قسەكانیدا، گەشبینە لە كۆنگرەی جەهەپەدا ئەندامانی كۆنگرە دەنگی پێ دەدەن و لە جێگەی كلیچدارئۆغلو دەبێتە سەرۆكی جەهەپە

.
ئەگەر جەهەپە دەنگی خۆی بخستایەتە پاڵ دەنگی هەدەپە، نەدەتوانرا پارێزبەندی لەسەر ئەندام پەرلەمانان هەڵبگیرێت و، ئەوكات هاوسەرۆكانی هەدەپە و ئەندام پەرلەمانەكانی هەدەپە نەدەخرانە زیندانەوە. چونكە بۆ ئەوەی بتوانن پارێزبەندی لەسەر ئەندام پەرلەمانان هەڵبگیرێت، ئاكپارتی پێویستی بە 376 كورسی هەبوو، خۆی 316 كورسی هەیە و مەهەپەش 40 كورسی، بۆیە ئەگەر جەهەپە دەنگی بەو پڕۆژە یاسایە نەدایە، ئێستا ئەندام پەرلەمانەكانی هەدەپە لە زیندان نەدەبوون

 

كارزان گلی ـ هه‌ولێر
.

© 2017 Hawler