کانونی یەکەم 06, 2021

زۆرترین بینراو

Error: No articles to display

سامانی بن تەلال، بە نزیكەی 20 ملیار دۆلار مەزندە دەكرێت

شازادە وەلید بن تەلال، کە لە ئۆپەراسیۆنەکانی رووبەڕووبوونەوەی گەندەڵی لە سعودیە دەستبەسەر کرابوو، پێرێ ئێواره‌ ئازادکرا.

شازاده‌ بن ته‌لال ده‌ستگیركرا
سەرەتای مانگی پێشوو بن تەلال لەگەڵ دەیان شازادە و بەرپرسی سعودی لە چوارچێوەی "هەڵمەتی بەرەنگاربوونەوەی گەندەڵی" دا دەستگیر كرا و رەوانەی هۆتێلی ریتز كارڵتنی ریاز كرا كە شوێنی حەوانەوەی شازادە و بەرپرسە دەستگیركراوەكانە.
هەڵمەتەكە بە دەستپێشخەری محەممەد بن سەلمان، شازادەی جێنشینی سعودیە دەستیپێكرد و خۆیشی سەركردایەتی دیوانی بەرەنگاربوونەوەی گەندەڵی دەكات. لە ماوەی دوو مانگی رابردوودا ژمارەیەكی زۆر لە دەستگیركراوەكان ئازادكران و، ئەمڕۆ شازادە وەلید بن تەلالیش ئازادکرا.

سامانه‌كه‌ی زۆره‌
سامانی بن تەلال، تەمەن 62 ساڵ، بە نزیكەی 20 ملیار دۆلار مەزندە دەكرێت و بە دەوڵەمەندترین پیاوی رۆژهەڵاتی نێوەڕاست دادەنرێ، بە گوتەی كەسانی نزیك لە بن تەلال حكومەت داوای شەش ملیار دۆلاری كردبوو بۆ ئەوەی ئازادی بكات بەڵام شازادە وەلید پێیوابوو ئەگەر ئەو بڕە پارەیە بداتە حكومەتی سعودیە، ئەوە راستەوخۆ دانی بەوەدا ناوە كە تاوانی كردووە

.
. كەسانی ئاگادار لە دۆسیەی دەستگیراوەكانیش بە (وۆڵ ستریت جورناڵ)ی ئەمریكییان راگەیاندووە ئەو بڕە پارەیەی لە بن تەڵاڵی داوا دەكەن لە نێوان بەرزترین ئەو ژمارانەیە كە لە شازادەكان داواكراوە، خەڵكانی نزیك لە بن تەڵاڵیش ئاشكرایان كردووە "شازادە وەلید پێیوایە ئەگەر ئەو بڕە پارەیە بداتە حكومەتی سعودیە، ئەوە راستەوخۆ دانی بەوەدا ناوە كە تاوانی كردووە و بۆیەش دوور نییە لە داهاتوودا داوای هەڵوەشانەوەی ئەو ئیمپراتۆرییەتە داراییەی لێبكەن كە لە 25 ساڵی رابردوودا دایمەزراندووە".
بەپێی راپۆرتەكەی (جورناڵ) شازادە خەریكی دانوستاندنە لەگەڵ ریاز بۆ ئەوەی لەبری شەش ملیار دۆلارەكە پشكێكی گەورە لە كۆمپانیای كینگدم هۆڵدینگ بداتە حكومەت. نرخی پشكەكانی ئەو كۆمپانیایە لە دوای دەستگیركردنی بن تەڵاڵ 14% دابەزیوە، بەو حاڵەشەوە بەهای گشتیی كۆمپانیاكە نزیك 8.7 ملیار دۆلارە. مانگی رابردوو كۆمپانیای كۆنگدم هۆڵدینگ رایگەیاند "حكومەتی سعودیە پشتگیریمان دەكات و ئێمەش لەسەر كارەكانی خۆمان بەردەوامین".

كۆمپانیاكانی وه‌رده‌گرێته‌وه‌
شازادە وەلید بن تەڵاڵ هەوڵ دەدات هەر چۆنێك بێت دەست بەسەر كۆمپانیاكانیدا بگرێتەوە، بەڵام شازادەی جێنشین مەرجێكی قورسی بۆ داناوە. بە گوتەی كەسانی نزیك لە بن تەڵاڵ حكومەت داوای شەش ملیار دۆلاری كردووە بۆ ئەوەی ئازادی بكات، بەڵام ئەو دوودڵە

.
تاوەكو ئیستاش بن تەڵاڵ سەرۆكی كۆمپانیای كینگدم هۆڵدینگە و بە بەرپرسانی باڵای ریازی راگەیاندووە دەیەوێت لەو پۆستە بمێنێتەوە. كەسێكی نزیك لە بن تەڵاڵ بە رۆژنامە ئەمریكییەكەی راگەیاندووە "شەڕی سەرەكی لەسەر ئەوەیە كۆمپانیاكە لەژێر چاودێری و دەسەڵاتی بن تەڵاڵدا بمێنێتەوە".
تاوەكو ئێستا حكومەتی سعودیە بەشێوەیەكی فەرمی هۆكاری دەستگیركردنی بن تەڵاڵی رانەگەیاندووە، بەڵام بەرپرسانی باڵای حكومەتی سعودیە بە نهێنی بە دەزگاكانی راگەیاندنیان گوتووە بن تەڵاڵ بە سپیكردنەوەی پارە، بەرتیلدان و بەدەستهێنانی پارە بە رێگەی نایاسایی تۆمەتباركراوە. سەلاح حیجەیلان، پارێزەری لە مێژینەی شازادە وەلید، بە (جورناڵ)ی راگەیاندووە "تاوەكو ئیستاشی لەگەڵ بێت بە فەرمی هیچ تۆمەتێك ئاراستەی شازادە وەلید نەكراوە". جەختیشی لەوە كردووەتەوە شازادە وەلید بن تەلال، کە لە ئۆپەراسیۆنەکانی رووبەڕووبوونەوەی گەندەڵی لە سعودیە دەستبەسەر کرابوو، پێرێ ئازادکرا.

© 2017 Hawler