ئەم پەڕەیە چاپ بکە

توركیا؛ زۆربەی هاوڵاتیان لە ماڵەوە سەری ساڵ بەڕێدەكەن

بازاڕێكی ئینتەرنێت لەتوركیا لە رێگەی راپرسییەكەوە دەریخستووە، كە لەسەدا 85ی هاووڵاتییانی توركیا جەژنی سەری ساڵ لە ماڵەوە دەكەنەوە.
لە راپرسیەكەدا چوار هەزار و 777 كەس بەشداربوون، پرسیاریان لێكراوە لەسەر هەڵسوكەوتیان بۆ كڕین و بازاڕكردنی تایبەت بە سەری ساڵ.
لە راپرسییەكەدا پرسیاری ئەوە كراوە، كە چۆن سەری ساڵ بەسەر دەبەن، لەسەدا 72ی بەشداربووان ماڵەوەیان هەڵبژاردووە بۆ بەسەربردنی جەژنی سەری ساڵ و لەسەدا 13یان وتویانە لە ماڵەوە لەگەڵ هاوەڵانیاندا بەسەری دەبەن.
هەروەها لەسەدا 10ی بەشداربووان بەشداری ئاهەنگی تایبەتی سەری ساڵ دەكەن لە دەرەوە و لەسەدا سێی هاوڵاتییانیش لە دەرەوەی توركیا و لەسەدا دووشیان لە دەرەوەی شارەكان ئاهەنگەكانی سەری ساڵ بەسەر دەبەن.
هاوڵاتییانی توركیا لە مانگەكانی تشرینی دووەم-كانوونی یەكەمدا، دەستیان كردووە بە كڕینی داری جەژن و ئەوەش لەسەدا 30  لەچاو تێكرای كڕینیدا لە ساڵێكدا زیاترە، هاوكات ئامێری دروستكردنی گەنمەشامی دوو هێندە فرۆشی زیادی كردووە، لەگەڵیدا فرۆشتنی یارییەكانی سەر مێز لەسەدا 90 زیادی كردووە.

دواترین دەستکاریکردن لەسەر چوار شەممە, 27 کانونی یەکەم 2017 09:02