کانونی یەکەم 06, 2021

زۆرترین بینراو

Error: No articles to display

كاندیدكردنەوەی دەمیرتاش وەكو هاوسەرۆك دێتەوە بەرباس

سەركردایەتی هەدەپە، لە سەرەتای مانگی یەكی ئەمساڵدا، چەندین كۆبوونەوەی ئەنجامداوە تا بڕیار لەسەر چەند كاندیدێك بدەن بۆ جێگیرەوەی سەلاحەدین دەمیرتاش وەكو هاوسەرۆكی هەدەپە، بەڵام تاوەكو ئێستا نەیانتوانیوە لەوروەوە هیچ بڕیارێك بدەن.
دوای ئەوەی دەمیرتاش، لە نامەیەكدا كە لە زیندانی ئیدیرناوە بۆ هەدەپەی نارد و، ئاشكرای كرد لە كۆنگرەی سێیەمی هەدەپەدا كە بڕیارە 11_2_2018 ئەنجام بدرێت خۆی كاندید ناكاتەوە، سەركردایەتی هەدەپە چەندین كۆنفرانس و كۆبوونەوەی نهێنی كرد بۆ ئەوەی جێگیرەوە بۆ دەمیرتاش دیاری بكەن، بەڵام هیچ ئەنجامێكی نەبوە

.
رۆژنامەی (جومهوریەت)ـی توركی، لە هەواڵێكدا ئاشكرای دەكات، لەناو سەركردایەتی هەدەپە دەنگێك بەرز بوەتەوە داوای كاندیدكردنەوەی دەمیرتاش دەكەن وەكو هاوسەرۆك.
لە هەواڵەكەدا هاتوە، بەشێكی زۆری سەركردایەتی هەدەپە، داوایان كردوە لە كۆنگرەدا دەمیرتاش بكەنەوە بە هاوسەرۆك و بەر لەوەی كۆنگرەش ئەنجام بدرێت، لیژنەیەك لە سەركردایەتی هەدەپە بچێتە لای دەمیرتاش و بڕوای پێ بهێنێت كە ببێتەوە بە هاوسەرۆك

.
رۆژنامەی (جومهوریەت)ـی توركی، باسی لە چەند كۆنفراسێكی هەدەپە كردوە، كە چەندین توێژ و لایەنگرانی هەدەپە بەشدارییان تێدا كردوە و زۆربەیان داوایان كردوە دەمیرتاش ببێتەوە بە هاوسەرۆك، بۆیە ئەگەری بوونەوەی دەمیرتاش بە هاوسەرۆكی هەدەپە زۆر بەهێزە.
پێشتر باس لە 3 كەسایەتی دەكرا وەكو شوێنگرەوەی دەمیرتاش، ئەوانیش ئەیهان بەلگین، عوسمان بایدەمیر، سری سورەیا ئۆندەر.

© 2017 Hawler