کانونی یەکەم 06, 2021

زۆرترین بینراو

Error: No articles to display

ئیدارەی بەشار ئەسەد چۆن دەڕوانێتە ئۆپەراسیۆنی عەفرین؟

حكوومەتی سووریا، ئۆپەراسیۆنی عەفرینی كە توركیا بە (چڵە زەیتوون) ناوی دەبات ئیدانە كرد و، داوای كرد توركیا پێشێلی خاكی سووریا نەكات. بەڵام لە بەرامبەر ئەوەشدا حكوومەتی سووریا دژی یەپەگەش دەوەستێتەوە و دەڵێت هاوپەیمانی ئەمریكایە.

عەفیف دێلا سیاسییەكی نزیك لە ئیدارەی بەشار ئەسەد و لە هەمان كاتدا ئەندامی باڵای حیزبی بەعسی سوورییە، لەوروەوە بۆچوونی خۆی بۆ ماڵپەڕی (بی بی سی) توركی خستوەتە روو.
دێلا ئاماژە دەدات، كە تاوەكو ئێستاش سووریا یەپەگەی پێ هێزێكی یاسایی نییە، چونكە ئەمریكا بۆ مەراسی سیاسی تایبەت بە خۆی بەكاری دەهێنێت.
ئەو دەڵێت: "سووریا بە شێوەیەكی راستەوخۆ هیچ پەیوەندییەكی لەگەڵ یەپەگەدا نییە، چونكە یەپەگە دروستكراوی ئەمریكایە و دەزانین ئەمریكا بۆچی دروستی كردوە، تا سووریا پارچە پارچە بكات و پاڵپشتی لە سیستەمی فیدرالیزم دەكات. بەداخەوە چونكە لە كۆتاییدا یەپەگەش هەر سووریین".
بەڵام نایشارێتەوە لە كاتی شەڕكردن دژی گروپی تیرۆرستی داعش، سووریا لەگەڵ یەپەگەدا گفتوگۆی كردوە و بە یەكەوە شەڕیان دژی ئەو گروپە كردوە.
ئەو سیاسییە پێی وایە لە داهاتوودا رەنگە دانوستاندن لەگەڵ یەپەگەدا بكرێت، ئێستاش حكوومەتی سووریا لەوروەوە لە گفتوگۆدایە و هەروەكو چۆن پێشتر لەگەڵ چەند گروپێكی تری چەكدار كراوە و خەڵكی سووریا سوودی لێ بینیوە.
لەبارەی ئۆپەراسیۆنی توركیاش بۆ سەر عەفرین، دێلا گوتی: "ئەم هەنگاوەی توركیا تەنیا پێشێلكردنی یاسا نێودەوڵەتییەكان نییە، بەڵكو پێشێلكردنی رێككەوتنی ئەستانەشە. چونكە لە رێككەوتنی ئەستانەدا بە ئاشكرا بە توركیا گوتراوە نابێت هیچ سەربازێكی تورك بە شێوەیەكی نایاسایی لە خاكی سووریادا بوونی هەبێت".

دواترین دەستکاریکردن لەسەر شەممە, 27 کانونی دووەم 2018 13:01
© 2017 Hawler