ئایار 16, 2021

خەرجی سەربازی وڵاتان لە ساڵی 2020 نزیكەی 2 هەزار ملیار دۆلار بووە

ڕاپۆرتێكی نێودەوڵەتی تازە دەریخستووە كە خەرجی سەربازی وڵاتان لە ساڵی 2020 نزیكەی 2 هەزار ملیار دۆلار بووە.

پەیمانگای توێژینەوەی ستۆكهۆڵم بۆ ئاشتی راپۆرتێك تازەی لە سەر خەرجی سەربازی وڵاتان بڵاوكردۆتەوە، كە تێدا هاتووە خەرجی سەربازی لە ساڵی 2020 بە بە رێژەی 2.6 % بە بەراورد لەگەڵ ساڵانی ڕابردوو بەرزتر بۆتەوە
دییگو لوبیز دا سیلفا كە تۆێژەرێكی ئەم پەیمانگایە و دەڵێت لە كاتی ئامادەكردنی ئەو ڕاپۆرتە پێشبینیمان دەكرد بە هۆی پەتای كۆرۆناوە خەرجی سەربازی وڵات لە ساڵی 2020 كەمتر بێت بەڵام پێشبنیییەكان وا دەرنەچوون، چونكە خەرجییەكان زیاتربوون.
راپۆرتەكە ئاماژەی بەوەشداوە كە هەندێك وڵاتی وەكو شیلی و كۆریای باشوور خەرجی سەربازیان لە ساڵی 2020 ڕاگرت، بەڵام وڵاتێكی وەكو هەنگاریاش خەرجی سەربازی خۆی زیاتر كرد.
بە پێی راپۆرتەكەش ئەمریكا لە ڕێزبەندی یەكەمی جیهاندایە چونكە لە ساڵی 2020 زۆرترین خەرجی سەربازی هەبووە كە بڕەكەی 778 ملیار دۆلار بووە

© 2017 Hawler