 |
|
hawler.in
دوای ئەوەی كوتله سیاسییەكانی عێراق لە كۆبوونەوەی یەكشەممهی رابردوودا بڕیاریان دا كه ئەمڕۆ سێشەممه پەرلەمانی عێراق كۆ ببێتەوە، بەڵام كۆبوونەوەكە ئەنجام نەدرا و بۆ كاتێكی نادیار دواخرا.
پێشتریش ئهندامی لیستی هاوپهیمانی كوردستان (د.مەحموود عوسمان) ڕایگهیاندبوو كه پێشبینى سەركەوتنى ئەم كۆبوونەوە ناكەین، چونكە لایەنەكان هەریەكەو بۆچوونێكى هەیە و تا ئێستەیش كارنامەى كۆبوونەوەكە نازانرێ چییە".
جێی باسه پهرلهمانی نوێی عێراق تا ئێستا بههۆی ناكۆكییه سیاسییهكان و نهگهیشتتنی لایهنهكان به ڕێككهوتنێك لهبارهی دابهشكردنی پۆسته سیادییهكانهوه، دانیشتهكانی ئهنجام نادات. ههرچهند كه وا پێشبینی دهكرا كه ئهمڕۆ هیچ نهبێت پهرلهمان دهستهی سهرۆكایهتی خۆی دیاری بكات.
لە 7ی ئادار/مارسی ڕابردوو هەڵبژاردنی پەرلەمانی عێراق بەڕێوە چوو، كۆمسیۆنی باڵای هەڵبژاردنەكان لە 26ی هەمان مانگ بەرەنجامی هەڵبژاردنی ڕاگەیاند، لیستی عێراقییە بە91 كورسی پلەی یەكەمی بەدەست هێنا و تەباییی دەوڵەتی یاسا 89 كورسی و تەباییی نیشتمانیی عێراق 70 كورسی و لیستی هاوپەیمانیی كوردستان 43 كورسیان بەدەست هێنا.
|
