شوبات 21, 2018

ئاماری یوئێن بۆ ژماره‌ی قوربانیان له‌ عێراق له‌ مانگی كانونی دووەمی ٢٠١٨

به‌ پێی ئه‌و ئاماره‌ی نێرده‌ی نه‌ته‌وه‌ یه‌كگرتووه‌كان بۆ هاریكاریی عێراق (یونامی) ‏بڵاوی كردووەته‌وه‌، له‌ ده‌ره‌نجامی كرده‌وه‌ توندوتیژی و تیرۆرستی و پێكدادانی چه‌كداری كه‌ له‌ مانگی كانونی دووەمی ٢٠١٨دا ‏ڕوویانداوه‌، ١١٥ هاووڵاتیی سڤیل لە عێراق كوژراون (كه‌ پۆلیس ناگرێته‌وه‌) و ٢٥٠ كه‌سی دیكه‌ش بریندار بوون‎.‎
لە بەیاننامەکەی یونامیدا هاتووە: له‌و ژماره‌یه‌ له‌ پارێزگای به‌غدا، كه‌ به‌ركه‌وته‌ترین پارێزگا بووە‌، ٣٢٣ هاووڵاتیی سڤیل بوونه‌ته‌ قوربانی (٩٠ كوژراو و ٢٣٣ بریندار)‌. دوای ئه‌و پارێزگای دیالە دێت كه‌ ئاماره‌كانی برتییه‌ له‌ (٨ كوژراو و ١٥بریندار) و ئاماری پارێزگای نەینەواش بریتییه‌ له‌ (١٣ كوژراو و ٧ بریندار) . یونامی نه‌یتوانی ئاماری قوربانیانی سڤیل بۆ مانگی کانونی دووەم لە پارێزگای ئه‌نبار له‌ به‌ڕێوه‌به‌رایه‌تی ته‌ندروستیی پارێزگای ئه‌نبار وه‌ربگرێت

.
له‌م باره‌یه‌وه‌ یان كوبیش، نوێنه‌ری تایبه‌تیی سكرتێری گشتی نه‌ته‌وه‌ یه‌كگرتووه‌كان بۆ عێراق وتی " تیرۆرستان بەردەوامن لە هێرشی جۆراوجۆر بۆ سەر هاوڵاتیانی سڤیل، ئەگەرچی تواناکانیان بەشێوەیەکی بەرچاو کەم بووەتەوە. دوو تەقینەوەکەی گۆڕەپانی تەیەران لە شاری بەغدا کە بووە هۆی کەوتنەوەی چەندین قوربانی لە نێو کرێکاران و خەڵکی بێتاوان نیشانەی ئەوەن کە تیرۆرستان هیچ بەهایەک بۆ ژیانی مرۆڤەکان لەبەرچاو ناگرن. پێویستە هەموومان بەردەوام ئاگاداربین و ڕووبەڕووی ئەو کردەوە تێکدەرانە ببینەوە".

Trending Now

ئه‌رشیف رۆژنامه‌كان

ک دووەم 07, 2018 Rate: 0.00

جۆلانەکەی عێراق

جۆلانەکەی عێراق

ک دووەم 08, 2018 Rate: 0.00

© 2017 Hawler

Please publish modules in offcanvas position.