کانونی دووەم 21, 2018

حەیدەر عەبادی لە پرۆسەیەکی دیکەیشدا شکستی هێناوە

سەرۆکوەزیرانی عێراق حەیدەر عەبادی، تا ئێستا، یەک کەسی بە تۆمەتی گەندەڵی رووبەڕووی دەستەڵاتداری دادوەری نەکردووەتەوە و، لایەنی پێوەندیداریش ئەمە وەک سەرنەکەوتنی عەبادی لەو پرۆسەیەدا ناو دێنن.

دوای راگەیاندنی سەرکەوتنی هیزە عێراقییەکان بەسەر چەکدارانی دەوڵەتی ئیسلامیدا و کۆنترۆڵکردنەوەی ناوچەکانی ژێر دەستیان، حەیدەر عەبادی دەستپێکی پرۆسەیەکی دیکەی ئاشکرا کرد کە ئەویش رووبەڕووبوونەوەی گەندەڵی بوو.
ساڵی رابردوو رێکخراوی شەفافیەتی نێودەوڵەتی راپۆرتی خۆی لەبارەی گەندەڵییەوە بڵاو کردەوە و عێراق لەو ریزبەندەدا، وەک یانزدەیەمین وڵاتی گەندەڵ ناسێندرا.
لە سەرەتای پرۆژەی ئازادکردنی عێراقەوە تا ئێستا، نزیکەی ٤٠ هەزار دۆسێی گەندەڵی بە لیژنەی دەستپاکیی پەرلەمانی ئەو وڵاتە گەیشتووە.
هەر لە سەرەتای راگەیاندنی پرۆسەکە لەلایەن حەیدەر عەبادییەوە، زۆربەی لایەنەکان و تەنانەت بەشێکی ناو ماڵی شیعەش جەختیان کردەوە، کە ئەمە تەنیا "پرۆپاگندەی هەڵبژاردنە" و سەرکەوتن بە دەست ناهێنێت.
ئەردەلان نورەدین ئەندامی لیژنەی دەستپاکیی پەرلەمانی عێراق، هەمان بۆچوونی هەیە و ئاماژە بە بەڵگەکانی سەرنەکەوتنی پرۆسەکە دەکات.
ئەو بە ماڵپەڕی فەرمیی پارتی دیموکراتی کوردستان دەڵێ، "سەرۆکایەتیی ئەنجوومەنی وەزیران تا ئێستا بۆ دیاریکردنی شێوازی بەرەنگاربوونەوەی گەندەڵکاران، هاوئاهەنگی لەگەڵ هیچ لیژنە یان دەستەیەکی دەستپاکیی نەکردووە. راستییەکەی ئەوەیە کە پرۆسەکە تەنیا بۆ راگەیاندن بوو."
ئەندامەکەی لیژنەی دەستپاکیی پەرلەمانی عێراق ئاشکرایشی کرد "تا ئێستا حەیدەر عەبادی یەک کەسی بە تۆمەتی تێوەگلان لە گەندەڵییەوە، رووبەڕووی دادگا و دەستەڵاتی دادوەری نەکردووەتەوە."
ئێستا نزیک بە ٢٠٠ دۆسیەی گەندەڵی لە لیژنەی دەستپاکیی پەرلەمانی عێراق هەیە و وەک خۆیان دەڵێن، "لە رووی بوونی بەڵگەوە، کەموکوڕیان تێدایە."
ئەو دۆسیانەی لە لیژنەی دەستپاکین، زیاتر پێوەندی بە وەزارتەکانەوە هەیە و بەو هۆیەشەوە کە شیعەی زۆرینەی دەستەڵات و وەزارەتەکانی بە دەستەوەیە، زۆربەی ئەوانەی پەنجەی تۆمەتی گەندەڵییان بۆ ئاراستە دەکرێ، "بەرپرسانی شیعەن".

لە KDPەوە

Trending Now

ئه‌رشیف رۆژنامه‌كان

ک دووەم 07, 2018 Rate: 0.00

جۆلانەکەی عێراق

جۆلانەکەی عێراق

ک دووەم 08, 2018 Rate: 0.00

© 2017 News247 All Rights Reserved. Designed By Tripples

Please publish modules in offcanvas position.