شوبات 21, 2018

ئیبراهیم جەلالدین: ژ دەسپێكا سالا 2018 ب تنێ دوو جاران دەرمان ژ بەغداد هاتینە هنارتن

 

جورێن دەرمانان یێن زور هەنە، و ژ جهێن جیاواز ژبوو هەرێما كوردستانێ دهێنە هنارتن، لێ ژێدەرێ سەرەكی ژبوو هنارتنا درمانان بوو هەرێمێ بەغدادە،بەلێ هوسا دیارە كو پشتی ریفراندوما 25/12/2017 قەیرانا درمانان ل نەخوشخانێن حكومیێن هەرێمێ پەیدابوویە، كو هنارتنا دەرمانان ژ حكومەتا بەغداد ب رێژا 80% كێم بوویە. ئانكو، ژ سەرجەمێ 10 ترمبێلێن بار هەلگر یێن درمانان كو بەری ریقراندومێ دهاتن هنارتن، نها ب تنێ دووترومبێل دهێن.

ئیبراهیم جەلالەلدین: بەرپرسێ كوگەهێن حكومی یێن دەرمانان ل پارێزگەها دهوكێ،دەرمان هەر ژ بەغداد دهاتن هەرێما كوردستانێ لێ ب لێبورینڤە پشتی ریفراندوما 25\9\2017 رێژا هنارتنا دەرمانان ژبەغداد كێم بوویە و نێزیكی 2 تا 3 مەهان دەرمانگەلەك كێم ببون و نە دهاتن رەوانەكرن.
ل گور گوتنێن ن.ئیبراهیمی نە هنارتنا دەرمانان كارتێكرن ل نەخوشخانین حكومی كریە، و دبێژیت: رێڤەبەرییا ساخلەمییا دهوكێ بەردەوام هەول داینە كێماسییان پر بكەت ل سەر بودجا هەرێما كوردستانێ ل دویف شیانێن خوە لێ ژبەر قەیرانا دارایی ب زەحمەت هندەك جورێن دەرمانان بهێنە دابینكرن چونكە بهایێ وان دەرمانان گەلەك گرانە، وەكی دەرمانێن نەخوشیێن تایبەتمەند، پەنجەشێر وگەلەك نەخوشیێن دن.
دیسان گوت: ئەگەرێن نە هنارتنا دەرمانان ژ بەغداد بوو هەرێمێ ل مەها كانونا ئێكێ ئەوبوویە كو ل هەر سالەكا دەربازدبیت مەها 12 كارێ سەر ژمێرییێ دهێتە كرن. لێ ژ ئەگەرێن دن یێن نەهنارتنا دەرمانان ل مەهێن دیتر تێكچوونا پەیوەندیێن سیاسی نە یێن ناڤ بەرا حكومەتا هەرێما كوردستان و بەغداد دا.
ن. ئیبراهیمی گرانبوونا بهایێ دەرمانان روون كر و گوت: ئەگەرێن گرانبوونا بهایێ دەرمانان گەلەك ئەگەران بخوەڤە دگریت و ب دیتنا وی پتر ل سەر داخازا بازاری دمینیت بەلێ دیارژی دكەت كو ئالوزی یێ دسیستەمێ برێڤەبرنێ داهەی و دفیت ئەڤ چەندە نە مینیت.
ژ دەسپێكا سالا 2018 ب تنێ دوو جاران دەرمان ژ بەغداد هاتینە هنارتن، لێ نە رێژا پێویستە ژبوو نەخوشخانە و نەخوشێن كوردستانێ.

 

Trending Now

ئه‌رشیف رۆژنامه‌كان

ک دووەم 07, 2018 Rate: 0.00

جۆلانەکەی عێراق

جۆلانەکەی عێراق

ک دووەم 08, 2018 Rate: 0.00

© 2017 Hawler

Please publish modules in offcanvas position.