نیسان 15, 2021

ئەپلكێشنێكی نوێ لە تێستی كۆرۆنا قورتارت دەكات

عەبدولقەهار هەولێری/ هۆلەندا

 

ئاژانسەكانی جیهانی بە بایەخەوە باسیان لە پلانی نوێ كۆمپانیاكانی فرۆكەوانی جیهان كرد دەربارەی پشكنینی كۆرۆناو كۆچید 19 موسافیرو گەشتیارەكان كرد. لەم بارەشەوە ئاژانسی سی ئێن ئێن جەختی كردەوە كەوا 290 كۆمپانیای فرۆكەوانی لە جیهان ئەپلكێشنێكی نوێیان لە تێستی كۆرۆنا داهێناوە و ناویان لێ ناوە ( ڤیزای ئایتا) . ئەم ئەپلكێشنینە نوێیە گەشتیارەكان لە تێستی كۆرۆنا قورتار دەكات، چونكە راستەوخۆ داونڵۆد دەكرێتە سەر مۆبایلە زیرەكەكان.

ئەو كۆمپانیانە ئەم داهێنان و دەست پێشخەیەی ( ئایتا) یان بە چاكترین چارەسەری داناوە بۆ لادانی لەمپەرەكانی رێگەی گەشتكردنی موسافیرەكان و دیاری كردنی سنورێك بۆ ئەو زیانە گەورانەی كۆمپانیاكانی فرۆكەوانی . بریاریشە ئەم ئەپلكێشنە لە مانگی داهاتوو بكەوێتە واری پراكتیكیەوە. جێبەجێكردنی ئەم پلانەش پەیوەستە بەهەندێ رێ و شوێنی تەندورستی كە پێویستە موسافیرەكان بە هەماهەنگی كۆمپانیاكانی فرۆكەوانی بیگرنە بەرەوە.

 

© 2017 Hawler