کانونی یەکەم 09, 2019

وەزیری تەندروستی: كێشەكانی نەخۆشخانەی بەركەوتووانی كیمیایی چارەسەر دەكرێن

د. سامان حسەین بەرزنجی وەزیری تەندروستیی هەرێمی كوردستان رایدەگەیەنێت، لەگەڵ پارێزگاری هەڵەبجە تاوتوێی چەند تەوەرێكیان كردوە، هاوكات كێشەكانی نەخۆشخانەی بەركەوتووانی كیمیایی لە پارێزگای هەڵەبجە چارەسەر دەكرێن و كۆمەڵێك لە بەركەوتووانی چەكی كیمیایی رەوانەی دەرەوەی وڵات دەكرێن.

دكتۆر سامان بەرزنجی، پێنجەشەممەی ڕابردوو پێشوازی كرد لە ئازاد تۆفیق، پاریزگاری هەڵەبجە و، قایمقامی هەڵەبجە و شاندێكی یاوەری. لە كۆبوونەوەیەكدا چەندین داواكاری و كێشە و گرفت خراونەتە بەرباس و گفتوگۆ. وەزیری تەندروستی بە وەفدەكەی ڕاگەیاندوە: بە رەزامەندیی جەنابی سەرۆكوەزیران، كاروانێكی 47 كەسی لە نەخۆشانی بەركەوتەی كیمیایی بۆ چارەسەر رەوانەی دەرەوەی وڵات دەكرێن. هاوكات كێشەكانی پڕۆژەی نەخۆشخانەی بەركەوتووانی كیمیایی لە هەڵەبجە تاوتوێی لەبارەوە كراوە و بڕیاری پێویستی لەبارەوە دراوە.

 

ماكوان عيززه‌‌ت - هەولێر

© 2017 Hawler