تشرینی دووەم 19, 2019

تەندروستیی هەولێر كار بۆ بەكارهێنانی كیسی كاغەز دەكات

دوابەدوای دەرچوونی بڕیاری وەزارەتی تەندروستی حكوومەتی هەرێم بۆ بەكارنەهێنانی كیسی نایلۆن، لیژنەیەك بۆ بەگەڕخستنی بڕیارەكە پێكهێندرا و كار بۆ جێبەجێكردنی فەرمانەكەدەكەن.

لە پێناو بەرژەوەندی گشتی و پاراستنی تەندروستی هاووڵاتیان و كەمكردنەوەی كاریگەرییەكانی كیسی نایلۆن لەسەر تەندروستی و ژینگە، وەزارەتی تەندروستی حكوومەتی هەرێم بڕیاریدا بە بەكارهێنانی كیسی كاغەز، دوابەدووای ئەو بڕیارەش،لە بەڕێوبەرایەتی كاروباری پاراستنی تەندروستی هەولێر كۆبونەوەیەكی فراوان ئەنجامدار.
د. سەرهەنگ جەلال بەڕێوبەری كاروباری پاراستنی تەندروستی هەولێر، ڕوونی كردەوە: لە كۆبونەوەكەدا جەختكرایەوە لەسەر دانانی میكانیزمی پێكەوە كاركردن بۆ ئەوەی كیسی نایلۆن بگۆڕدرێت بۆ كیسی كاغەز، هاوكات لەگەڵ لایەنەپەیوەندیدارەكان جەختمانكردەوە لەسەر گرتنەبەری ڕێوشوێنی پێویست بۆ جێبەجێكردنی فەرمانەكە.
لە كۆبونەوەكەدا جگە لە نوێنەری پارێزگای هەولێر نوێنەرانی هەریەك لە فەرمانگەكانی (بازرگانی، ژینگە، دەغڵودان و دانەوێڵە، ڕاگەیاندن و چاپ وبڵاوكردنەوە، گەشەپێدانی پیشەسازی) بەشداربوون.

© 2017 Hawler