کانونی یەکەم 05, 2019

لە هەولێر هەڵمەتی هۆشیاری لە بارەی سكچوونی توند دەستی پێكرد

بە مەبەستی زیاتر هۆشیاركردنەوەی هاووڵاتیان، بەڕێوبەرایەتی كاروباری پاراستنی تەندروستی هەولێر، هەڵمەتێكی چڕی هۆشیاری لە بارەی چۆنیەتی خۆپارێزی لە سكچوونی توند وەڕێ دەخات.

د. سەرهەنگ جەلال بەڕێوبەری كاروباری پاراستنی تەندروستیی هەولێر ڕوونی كردەوە لەلایەن تیمی تایبەتی بەڕێوبەرایەتییەكەمان بەچەندین جۆر هەڵمەتی هۆشیاری چۆنیەتیی خۆپارێزی لە سكچوون ئەنجامدەدرێت، لەو هەڵمەتەدا هەوڵدەدرێت تەواوی دانیشتوانی شاری هەولێر و دەوروبەری هۆشیار بكرێنەوە، هاوكات تیمەكان پۆستەری تایبەت بە چۆنیەتیی خۆپارێزی لە سكچوون دابەش دەكەن.
د. سەرهەنگ گوتیشی: چەند خولێكی تایبەتیمان بۆ پزیشكان و كارمەندانی نەخۆشخانەكانی ناوشار و دەرەوەی شار كردوەتەوە بۆ ئەوەی هاووڵاتیان هۆشیار بكەنەوە.

 

ئەژین عەبدوڵڵا-هەولێر

© 2017 Hawler