تەمموز 21, 2019

جگەرەی ئەلیكترۆنی ته‌نه‌ خانه‌كانی مێشك له‌ناو دەبات و ڕەنگە ببێته‌ هۆی مردن

تۆژینه‌وه‌یه‌ك كه‌ له‌لایه‌ن تۆژه‌ران له‌ زانكۆی كالیفۆڕنیای ئه‌مریكا ئه‌نجام درا، ئاشكرای كرد، جگه‌ره‌ی ئه‌لیكترۆنی زیانی گه‌وره‌ به‌ مێشك، ده‌گه‌یه‌نێت و ئاماژه‌ی پێدا، ره‌نگه‌ زیان به‌ ته‌نه‌ خانه‌كان بگه‌یه‌نێت و له‌ناویان ببات و ببێته‌ هۆی مردن

چالاكانی نەهێشتنی جگەرەی ئەلیكترۆنی پێیان وایە كۆمپانیاكان هەندێك بەرهەمی بۆندار و بەچێژ لەگەڵ ئەم ئامێرە ئاوێتە دەكەن كە بووەتە هۆكاری ئەوەی گەنجان روو لە كێشانی جگەرەی ئەلیكترۆنی بكەن. هەروەها دەگوترێت ژمارەیەكی زۆری گەنج لە رێی جگەرەی ئەلیكترۆنییەوە فێری جگەرەی ئاسایی بووە كە بۆ تەندروستی زۆر مەترسیدارە
جگه‌ره‌ ئه‌لیكترۆنییه‌كان له‌ڕێگه‌ی گه‌رمكه‌رێك بۆ گه‌رمكردنی شله‌یه‌ك كه‌ نیكۆتینی تێدایه‌ كارده‌كات و شله‌كه‌ ده‌گۆڕێت بۆ هه‌ڵمی نیكۆتین كه‌ جگه‌ره‌كێشه‌كان هه‌ڵیده‌مژن.
تیمی تۆژینه‌وه‌كه‌ ته‌نه‌ خانه‌ ده‌مارییه‌كانی چێندراو له‌ مشكیان به‌كارهێنا بۆ دیاریكردنی هۆكاری ئه‌و زیانانه‌ی تووشی ئه‌و خانانه‌ ده‌بن به‌هۆی كێشانی جگه‌ره‌ ئه‌لیكترۆنییه‌كان و، روونیان كرده‌وه‌ كه‌ ئه‌و خانانه‌ به‌هۆی ماندووبوون دووچاری له‌ناوچوونی چڕی "میتۆكۆندریا" ده‌بن..
بەگوێرەی "بی بی سی" خاوەنی گەورەترین پشكی جگەرەی مارلبۆرۆ كە لە ئەمەریكا بەرهەم دەهێنرێت، سەرجەم پەیجەكانی خۆی لە فەیسبووك و ئینستاگرام داخستووە و نایەوێت چیتر رێكلام بۆ جگەرە بكات، هاوكات ئەو جۆرە جگەرانەش چیتر بەرهەم ناهێنێت كە بە تامی خۆش دروست دەكران و دەبوونە هۆی راكێشانی سەرنجی خەڵك بۆ كێشانی جگەرە.

© 2017 Hawler