نیسان 15, 2021

زۆربەی پەیكەرەكانی من،لە فۆلكلۆرو كلتوری كوردی سەرچاوە دەگرن

كامەران حاجی ئەلیاس

 

هونەرمەند (ئەحمەد مستەفا زەهاوی ) لە ساڵی 1962 لە شاری خانەقین لە دایك بووە دەرچووی ئەكادیمیای هونەرجوانەكانی بەغدایە، بەشی پەیكەتارشی، لە ساڵی 1988 بڕوانامەی بەكەلۆریسی لە هونەری شێوەكاری بەدەست هێناوە،دواتر لە زانكۆی سەڵاحەدین بڕوانامەی ماجستێری لە ژێر ناوی "جوانكاری و تەكنیكی لە كاری هونەرمەندانی پەیكەرسازی كوردستان" وەرگرتووە، بەشداری چەندین پیشانگا و فیستڤاڵی لەسەرئاستی ناوخۆ و دەرەوە كردوە ئێستا مامۆستایە لە كۆلیژی هونەرە جوانەكانی هەولێر، پەیكەرەكانی لەچەندین شوێنی جیاواز جیاوازی كوردستان دانراون.

بۆ زیاتر ئاشنا بوون بە كارەهونەرییەكان ئەم دیدارەمان لەگەڵ ساز داوە.
* زۆربەی هونەرەكان پەیوەستن بە بەهرە،سەرچاوەی بەهرەكانی تۆ بۆ پەیكەرەكانت چین؟
- زۆربەی پەیكەرەكانی من،لە فلكلۆرو كلتوری كوردی سەرچاوە دەگرن.

*كێن ئەو پەیكەرتاشانەی،كاریگەریان لەسەر بەرێزتان هەبووە؟ یاخود سەرسامی بە كارەكانیان؟
-زۆر لەو هونەرمەندانەی كە،كاریگەرەیان لەسەر من هەبووە بۆ نموونە لە كوردەكان،مامۆستا دارا حمە سعید، لە عێراقیەكان مامۆستا محەمەد غەنی حیكمت و مامۆستا ئیسمایل فەتاح وە لە جیهانیەكان زۆر سەرسامی هونەرمەند جاكو منی روداو...

* كامەن ئەو بابەتانەی بۆ پەیكارەكانت هەڵدەبژێت ؟
- ئەو بابەتانەی دەبنە، پۆرتریت زیاتر كوردین وەكو سەركردەكان، شاعیران، ژنیاران...

*پەیكەرەكانت زیاتر واقعین، یاخود لە خەیاڵین؟
-ئەوەی راستی بێت، زۆربەی پەیكەرەكانم زیاتر لە واقع نزیك نەوەك لە خەیاڵ.

*ئاستی هونەری پەیكەرتاشی لە كوردستان چۆن دەبینی؟
- ناتوانین بڵێن هونەری ئاستی پەیكەرتاشی لە كوردستان زۆر باشە،بەڵام تا رادەیەك باشە.

*كێشەو گرفتەكانی هونەری پەیكەر تاشی لەكورستان چین؟
- گرفتەكان زۆرن، بەڵام كێشەی سەرەكی بریتییە،لە نەبوونی كارگەی برۆنزە لە كوردستان.

*بە بۆچوونی بەرێزتان،شوێنی دانانی پەیكەرەكان لە شارەكانی كوردستان شوێنی گونجاون؟
- شوێنی دانانی پەیكەر، دەبێت لەسەر بنەمای زانستی ولێكۆلێنەوە بێت،واتە دەبێ رەچاوی پانتایی شوێنی پەیكەر،بابەتی پەیكەر، مادەی پەیكەر،قەبارەی پەیكەر،فۆرمی پەیكەر..بكرێت.

*ئاواتی بەرێزتان چیە؟
-ئەوەی راستی بێت،ئاواتمە هونەری كوردی لە ڕیگای كلتور و فلكلۆری كوردی، بگاتە ئاست هونەری جیهانی.

 

© 2017 Hawler