نیسان 15, 2021

هونەرمەند ئەنوەر قەرەداغی خەڵات و ڕیز لینانێکی نێودەولەتی پیدەبەخشرێت

ڕۆژی ( 11.2.2021) لەرێ و رەسمێکی تایبەت و شایستەدا (یەکێتی نێودەڵەتی موزیک زانانی عەرەب) خەڵات و بروانامەی رێز لێنانی خۆی بەخشیە هونەرمەندی گەورەی کورد مامۆستا (ئەنوەر قەرەداغی) .

 

ڕیو ڕەسمەکە بە ئامادە بوونی پارێزگاری سلێمانی و، سەرۆکی یەکێتی نێو دەوڵەتی موزیک زانانی عەرەب و هونەرمەندان و ڕۆشنبیران و کەناڵەکانی ڕاگەیاندن لە شاری سلێمانی پایتەختی رۆشنبیری، لە هۆڵی (یەڵماز گۆنا) ی لە ئەمنەسورەکە بەڕیوەچوو .

 شایانی باسە یەکەم جارە لەلایەن یەکێتی نێودەوڵەتی موزیک زانانی عەرەب، رێز لە هونەرمەندێکی کورد بگیرێت، ڕیزلێنانەکە لەلایەن( د.عەممار شوکری) سەرۆکی یەکێتیەکە پێشکەش بە ماماۆستا (ئەنوەر قەرەداغی) کرا.

یەکێتی نێو دەوڵەتی موزیک زانانی عەرەب (الاتحاد العالمی للموسیقیین العرب ) مەڵبەندی سەرەکی لەوڵاتی لوبنانە، یەکێکە لەو ڕێکخراوە هونەریانەی لە رۆژهەلات و، لەسە رئاستی جیهان پێگەو کەسایەت خۆی هەیەو خەڵاتەکانی دەبەخشێتە ئەو کەس و هونەرمەندانەی کە خزمەتێکی بەرچاویان لە بواری موزیکدا کردوە و پیگەو کەسایەتی هونەرییان لە ئاستێکی نێو دەوڵەتی دایە .

لە مەراسیمەکەدا چەندین ووتارو پارچە موزیک و فیلمی دیکۆمێنتاری لە سەر ژیانی هونەری هونەرمەندی ناوبراو پێشکەش کراو، ئامادەبوانیش بە چەپکە گولی ڕیز لێنان هۆڵەکەیان پڕ جۆش و خرۆش کردبوو.

 

سەرکەوت بورهان

 

© 2017 Hawler