تشرینی دووەم 30, 2020

 ئەبوبەکر شوان خادیم 

                                                  

هۆ هاوڕێ ئازیزەکەم..ئەی جوانترین پیاوی شار، ئەی ئازیزترین برا و مام و هاوڕێ، ئەی مەشرەبخۆش و قسە خۆشی نێو کۆڕ و کۆڕبەندەکانی نێو دانیشتنەکانی ڕۆژانەمان، ئەی چراخانی شەوانی پڕ لەمحەبەت و شۆخیەکانی هاو دەمم، ...

 

نازانم و ناتوانم ووشە و پەیڤەکان لەهزرمدا هەڵقوڵێ و شایانی مەقامی پڕ لەشکۆی باڵای ئێوە بێ،

ئەمە چ ژەمە خەونێکە لەیەکدی دابڕانین، کۆچی سەفەڕتان بێ پرس و ڕا هەر وا زوو بێ ئازیزانت، غەگین و خەفەتباری کردین و حەوسەلەمان بەڕگەناگرێ هێندەی بەبەرەوە نەماوەو ئەشک خۆی بەسەر کۆڵمەکانی ئازیزانت بۆتە خانەخۆێ ی و،گوڵدانی ڕەنگینی لەپرسەو ماتەمی ڕەشپۆشی ئاڵاندووە، شەوان لە مانگ دەڕوانم و بەڕۆژیش سەیری ساباتی گەڵاسەوزەکانی نێو حەوشەی ماڵەوە دەڕوانم لە هەر ئەختەرو هەر نۆخیس وهەر گەڵایەکی وێنەی تۆم دێتە پێشچاو .. بەتاسەوەم وەکو جاران ناتوام دەستە پیرۆزەکانت ڕاگوشم و تێر تێر ماچی بکەم و بەبۆنی عەترو عەناب و بەیبوون خۆمی پێ جۆشبدەم و بە باڵای خۆمی بسووم ...شەوەکان لەجیاتی بای شەمال ووردە ووردە خەفەت دەبارێ، ڕۆژەکان وەکو جاران دیدو نیگای پێ ڕەشن نابێ..

هۆ کاکی کاکان...هۆ خۆشەویسترین هاوڕێ و برا..ئەی کانیلەی پڕ لە پەیڤی کوردایەتی، جاران کە دەهاتمە خزمەت و بەبینینی تۆ شاگەشکە دەبووم، قسەکانت وەک دەنکە تەسبێح دەبوونە هەوینی نووسین و شیعرەکانم، ئێستا من و شیعر من و نووسین کوجا مەرحەبا.......

نازدارەکەم، بابێ دڵێرەکەم، ئاخر دەپێم بڵێ، ئەم کۆچە نەوادەت چی بوو، پاش تۆ، زەمەن زەمەنێکە، ڕۆژگار ڕۆژگارێکە دۆڕاندۆمی داوە لە هەڵوەڕینی تەمەن...ئۆی چەند قەڵسم، چەند دڵتەنگ و خەفەتبارم، سەفەرەکەت سەفەرێکی دوورە و بێزار ت کردین، لەبارانی پرسەو حەسەرت بێزارم، خوڕە ئاوێکی شەستە بارانی بەبە هاری لێ ناچۆڕێ ..

ئازیز ..بابێ ڕێبوارەکەم،باوەڕ بفەرموو هەرچەند بەجەستە لێمان دووری، لێ، لەنێو ناخ و ڕۆحی ئێمە مانان دەژی و هەرگیز دیدارو نیگاکانمان لێ وون ناکا،....

هۆ کاک ..کاکی کاکان، بابێ ڕێکارەکەم، من هەمیشە لە گۆوەندی پێکەنینە کانت رادەمینێم و باڵاکەت تەواوی ماڵبات و خانەوادەی شارەکەمی پێ ئاشنا بوو ن، تۆ مەزنی، تۆ مرۆڤی مرۆڤ،

ئای نازدار ئەبو دارا، چەند لە خەمی ڕۆڵەکانت بووی، ناوی ئەوانت وەک برێشکە لەدەم دەتەقیەوە، ژەم و خەمت هەر ئەوان بوون، چەندت خۆشدەویستن، چەند لەلات بەرزو گەرە بوون ..

براجوانخاسەکەم ...ئەی کانیاوی پڕ لە قسەی کوردەواری..

ئەی هەڵۆ بەرزە فڕەکەی نیشتمانم

ئەی جوانترین مرۆڤی شارەکەم

ئەی خۆشەویسترین هاوڕێ و مام

ئەی ووڵات پەرست، کورد پەرست، خزم دۆست و دەم بەخەنەدەی قسە خۆش ..،

لەیادو لەبیرمانی هەمییشه ئازیزو خۆشەویست ..مرۆڤبووی مرۆڤایەتیش یادت دەکاتەوە.

© 2017 Hawler