تشرینی یەکەم 25, 2020

یەکەمین فیستیڤاڵی شانۆیی سەرشەقام لەڕانیە ئەنجام دەدرێت

لەدرێژەی کارو چالاکیەکانیدا و بەمەبەستی گرنگیدان و  ئاوڕدانەوە و زیندوو کردنەوەی هونەری شانۆ، بەڕێوەبەرایەتی ڕۆشنبیری و هونەری ڕاپەڕین ئامادەکاری دەکات بۆ سازکردن و بەڕێوەچوونی یەکەمین فیستیڤاڵی شانۆی سەرشەقام.

 

 بۆ ئەو مەبەستە ئەکرەم چالاک بەڕێوەبەری ڕۆشنبیری و هونەر ڕاپەڕین لەدیوانی بەڕێوەبەڕایەتی لەگەڵ ژمارەیەک لە سەرۆک گروپ و  تیپە شانۆییەکان کۆبووەو  بەڕێزیان ئاماژەی بەوەکرد کە وەک ئەرکی سەرشانمان بەپێویستی دەزانین لەو باردۆخەی نەگریسەی بەهۆی پەتای کۆڕۆناوە هاتۆتە پێش و بەهۆیەوە سەرجەم کاروچالاکیەکان وەستێندران، جارێکیتر روح بەبەر هونەری شانۆ لەدەڤەرەکەدا بکەینەوەو دەرفەتێکیش برەخسێنین بۆ گروپ و تیپە شانۆییەکان تاوەکو جوڵەیەکی هونەری بکەنەوەو بتوانن جارێکیتر بەتواناو بەهرەکانیان پەیامە هونەری  مرۆدۆستیەکان لەڕێی شانۆوە بگەیەنن بەهاوڵاتیان. سەرۆک گروپ و تیپە شانۆییەکانیش ئەو هەنگاوەی بەڕێوەبەڕایەتی ڕۆشنبیری و هونەری ڕاپەڕینیان بەرز نرخاند بەوەی دەیانەوێت بەفیستڤاڵێکی لەو چەشنە خزمەت بەشانۆو شانۆکاران بکەن و ئامادەیی خۆشیان بۆ بەڕێوەچوون و سەرخستنی فیستیڤاڵەکە دەربڕی.

  لەو چوارچێوەیەدا وەک بەڕێوەبەڕایەتی ڕۆشنبیری و هونەری ڕاپەڕین داوا لەهەموو ئەو گروپ و تیپە شانۆییانە دەکەین کە ئارەزوومەندی بەشداری کردنن دەتوانن تاوەکو ١٠/١٥ سەردانی بەڕێوەبەرایەتیمان بکەن یاخود پەیوەندی بکەن بە ژمارە مۆبایلانەوە

07501944676

07511923245

 

گەرمیان گلی

© 2017 Hawler