شوبات 27, 2020

ئەمڕۆ، گرووپی هیوا بە 70 دەڤژەنەوە کۆنسێرتێک لە ئیسفەهان ساز دەکەن

گرووپی موزیکی "هیو" کە لە 70 موزیسیانی بەرچاو پێکهاتووە، دوای چەندین چالاکیی هونەری بڕیارە سبەی لە ئیسفەهان گەورەترین کۆنسێرت بە ئامێرە عرفانیەکانیان ساز بکەن.

ڕابەر یوسف خانی، کە لە نێوەندی هونەری بە ڕابەر کوردستانی ناسراوە و یەکێکە لە موزیسیانە بەشداربووەکانی ئەو گرووپە بۆ هەولێر دەڵێت: ئێمە وەک تیپێکی دیار و ناسراو لە ڕۆژهەڵاتی کوردستانەوە چەندین پڕۆژەی هونەریمان سازکردووە و نمایشە هونەرییەکانمان بووەتە جێی سەرنجی عاشقانی هونەری موزیک.
ئەو کۆنسێرتەی بڕیارە ئەمڕۆ لە ئیسفەهان بەڕێوەدەچێت زادەی ئەو هونەرمەندانەیە کە لە ماوەی ڕابردوودا خزمەتی هونەری کوردییان کردووە بە دەفەکانیان، بۆیە ئەمڕۆ دەبێتە زەماوەندی هونەر لەو شارە و لە ڕێگەی چریکەی موزیکەوە شار دەڕازێنینەوە بە هونەری ڕەسەنی خۆمان..

 

شیڤان شێرزاد - هەولێر

© 2017 Hawler