کانونی دووەم 20, 2020

لە بەرنامەیەكدا ناودارترین هونەرمەندی جیهان یارمەتیی منداڵە هەژارەكان دەدات

ناودارترین هونەرمەندی ئۆپێرایی جیهان و ئیتاڵیا پرۆگرامێك بۆ هاوكاریكردنی منداڵە لێقەوماوەكانی جیهان پێشكەش دەكات، لە ناویشیاندا منداڵانی عێراق و سووریا.

(ئەندریا بوچیلی) هونەرمەندی ناوداری جیهانی دەستی بە ئامادەكردنی پرۆگرامێكی جیەانی كردووە بە ناوی دەنگی جیهانەوە.
دەنگی جیهان پرۆگرامێك دەبێ بە هەماهەنگی رێكخراوی یونسكۆ و هونەرمەند ئەندریا بوچیلی، ناوەڕۆكەكەی بریتی دەبێ لە یارمەتیدانی ئەو منداڵانەی بە ەۆی جەنگەوە لە بارودۆخێكی دژواردا دەژین و بەەرەكانیان ون بووە.
پرۆگرامەكەی ئەندریا بوچیلی لە سەرەتای ساڵی داهاتووەوە دەكەوێتە بواری جێبەجێكردنەوە و لە عێراق و سووریا چالاكییەكانی دەست پێدەكات.
میدیا جیهانییەكان بە بایەخەوە رۆلی ئەو هونەرمەندە هەڵدەسەنگێنن بۆ یارمەتیی منداڵە هەژارەكان، پێیان وایە بەشداربوونی ئەم هونەرمەندە لە كارێكی خیرخوازی تایبەت بە منداڵ سەركەوتن بە دەست دەهێنێت
ئەندریا بوچیلی لەسەر ئاستی جیهاندا ناوێكی دیارە، لە هەر وڵاتێكی ئۆپێرایەك پێشكەش بكات بە هەزارەها بینەر ئامادە دەبن، هەندێك ئەمە دەگەڕێننەوە بۆ دەنگەكەی كە جیاوازە لەچاو هونەرمەندانی تر، هەندێك پێیان كە كەسایەتیی بوچیلی وای كردووە كە بینەرێكی ئێجگار زۆری هەبێ لە سەرانسەری جیهاندا.
ئەندریا بوچیلی لە ساڵی 1958 لە ناوچەی بیزای ئێتاڵیا لە دایك بووە، جگە لە گوتنی گۆرانی ئۆپێرایی دەتوانێت تێكستی گۆرانی بنووسێت و ئامێری موزیكیش بژەنێت .
لە لایەن لە هەندێك ڕەخنەگرانی هونەرییەوە بە جوانترین دەنگی جیهان ناویان بردووە، خاوەنی 15 ئەلبوومی ئۆپێراییەوە و ئەلبوومەكانی 90 ملیۆن كڕیاری لەسەر ئاستی جیهان هەبووە.

 

ئاریان  دەرگەڵەیی - هەولێر

© 2017 Hawler