تشرینی یەکەم 17, 2019

سوپەر ستارەكەی عەرەب بە كوردی گۆرانی دەڵێ

هەندێك لە هونەرمەندانی بیانی بەهۆی سەرسامبوونیان بە گۆرانی و موزیكی كوردی پێیان خۆش بووە بە زمانی شیرینی كوردی گۆرانی بڵێن و لەو بوارەدا توانای خۆیان تاقیبكەنەوە هەروەك خانمە هونەرمەندی دەنگخۆشی عەرەبی (دیانا كرزۆن) كە هەر لە ساڵی 2013 وە نازناوی سوپەر ستاری عەرەبی پێ دراوە، بۆ دووەمین جارە بە زمانی شیرینی كوردی گۆرانی دەڵێ و ناوی گۆرانیەكەشی بریتیە لە (خاكی شیرین) كە  هەڵكەوت زاهیر تێكست و موزیكی بۆ داناوە و (بەگدەر سگباس)یش میكسی دەنگی بۆ كردوە، جێی ئاماژە بۆ كردنە ئەو خانمە هونەرمەندە دەنگخۆشە ناوی تەواوی (دیانا محەمەد كرزون) ە و لە 30 ئۆكتۆبەری ساڵی 1983 لە كوێت لەدایك بوون، بەڵام لە وڵاتی ئوردن ژیاوە، بۆیە بە ئوردنی ناوی دەبەن.
ئەو خانمە هونەرمەندە بەهۆی بەهرەی دەنگخۆشیەوە هەر لە تەمەنی شەش ساڵیەوە دەستی بە گۆرانی گوتن كردوە و یەكەمین گۆرانیشی بەناونیشانی (ایها الملك) بووە كە بەسەر شار عەبدوڵڵای دووەمی هەڵداوە، خۆشترین كات و ساتیشی ئەو كاتە بوو كە ساڵی 2013 لە بەرنامەی سوپەر ستار لە سوریا پلەی یەكەمی بەدەست هێناوە و نازناوی سوپەر ستاری عەرەبی پێدراوە، دیانا كرزۆن بەهۆی دەنگە خۆشەكەیەوە خاوەنی چەندین گۆرانیە وەك (الجرح، انا احلی، غزالی، عمری لو لیلە، انت الغرام) و چەندین گۆرانی و ئەلبومی دیكە، سەرباری ئەوەش وەك ئەكتەر ڕۆڵی بینیوە و بەشداری لە دوو زنجیرە تەمسیلی عەرەبیدا كردوە بەناونیشانی (فی منتهی العشق) و (گربان).
 

 

محەمەد سەعید كوردە-هه‌‌ولێر

© 2017 Hawler