ئەیلول 21, 2019

ئەكتەرێكی سینەمایی بە سامانەكەی پشتگیریی كارەساتەكەی ئەمازۆن دەكات

زۆر جار هونەرمەندان و كەسە دیار و بەناوبانگەكان، ئەوانەی خاوەن سەروەت و سامانێكی زۆرن و لە ڕێگای هونەرەكەیانەوە سامانێكی زۆریان پێكەوە ناوە و بە پارە و داهاتی خۆیان هاوكاری و پشتگیری كارەسات و لێقەوماوان دەكەن و هاوسۆزی خۆیان بۆ ئەو جۆرە مەسەلانە پێشان دەدەن، یەكێك لەوانەش ئەكتەری سینەمایی بەناوبانگ (لیۆناردۆ دیكابریۆ) لەو ماوەی ڕابردوو هاوسۆزی خۆی بۆ كارەساتەكەی دارستانی ئەمازۆن پێشاندا و بڕی 5 ملیۆن دۆلاری بۆ زەرەر و زیانەكانی ئەو دارستانە بەخشی بەو هەڵوێستە مرۆییەش ناوی چوە لاپەڕە گەشەكانی مێژووە وە، چونكە بەڕاستی كەم هونەرمەندی لەو شێوەیە هەیە كە دەستی بچێتە پارە و داهاتەكەی خۆی بۆ مەبەستی خزمەتگوزاری و هاوكاری مرۆیی تەرخانی بكات، هەر بۆ وەبیرهێنانەوە دارستانی ئەمەزۆن یەكێكە لەو دارستانە گەورە و زەبەلاحانەی كە ڕووبەرەكەی 55 ملیۆن هێكتارە و كەوتۆتە نێو خاكی بەرازیل و زۆرێك لە وڵاتانی دیكەی كیشوەری ئەمریكای باشوور وەك پیرۆ و كۆڵومبیا و ڤەنزویلا و گۆیانای فەڕەنسی و سۆرینام و گیانا و بۆلیڤیا و ئیكوادۆر، هەروەها ئەكتەری سینەمایی (لیۆناردۆ ویلهام دیكابریۆ) وەك ئەستێرەیەكی گەش لە بواری سینەمادا لە 11 ی نۆڤێمبەری ساڵی 1974 لە ولایەتی كالیفۆرنیای وڵاتە یەكگرتووەكانی ئەمریكا لە دایك بوە و لە ساڵی 1989 دەستی بە كاری هونەری كردوە و تا ئێستاش لە داهێنانە یەك لە دوای یەكەكانی بەردەوامە و لەسەر ئاستی جیهاندا خاوەن جەماوەر و كەسایەتیەكی هونەری بەرزە.

 

محەمەد سەعید كوردە - هه‌ولێر

© 2017 Hawler