ئاب 22, 2019

دەستنووسی دیوانی نالی كوڕ و باوكێك كۆدەكاتەوە

لە زەمەنی زووە وە زۆرێك لە قەڵەم بەدەستان سەرمەستانە لەسەر نالی شاعیریان نووسیووە و زیاتر هەوڵی ئەوەیانداوە زۆرترین سەرچاوە بەدەست بێنن تا بگەنە هەقیقەتی ژیانی ئەو كەلە شاعیرە، چونكە هەروەك لە بەشێكی پێشەكی ئەو كتێبەدا هاتووە كە ژیانی نالی پڕە لە تەمومژ و نادیاری هۆكاریش ئەوەیە لە زێدی خۆی نەماوەتەوە هەر وەك دیارە لە سلێمانی ڕا چۆتە حەج و لە گەڕانەوەیی چۆتە شام و لەوێشەوە چۆتە ئەستەمبۆڵ تا وەفاتی كردوە، جا لەو ڕۆژانەدا كوڕ و باوكێك دەسنووسی دیوانی نالی كۆیی كردنەوە و بە دوو قۆڵی ئەو كتێبە جوان و خنجیلانەیان بە چاپ گەیاند و لە 95 لاپەڕەدا بە چاپێكی جوان و ڕەنگین پێشكەشی كتێبخانەی كوردی و خوێنەران و شەیدایانی نالی یان كرد، ئەویش دكتۆر عەبدوڵڵا خدر مەولوود و نالی كوڕیەتی، وەك خۆی دەڵێ لە خۆشەویستی و عەوداڵیم بۆ ئەو شاعیرە ئەو كوڕەم ناو ناوە نالی، ئەویش ماستەرەكەی لەسەر هەمان شاعیرە، نالی عەبدوڵڵا خدر دەڵێ ئەوە بە گوێرەی من یەكەمین نۆبەرە بەرهەمە و زۆر شانازی پێوە دەكەم، لەلایەكی دیكەوە دكتۆر مارف خەزنەداری كۆچكردوو لەبەسەرهاتی نالی دا دەڵێ ئەگەر لە شیعری نالی دا بۆنی حیجاز تا ڕادەیەك بكرێ بەهۆی حەج كردنەوەیە، ئەستەمبۆڵ بە تەواوی بزرە، هەر لەو كتێبەدا پتر لە دەستنووسەكانی نالی خۆیان نمایش دەكەن و زۆربەی لاپەڕەكانی داگیر دەكەن و زۆرترین زانیاریمان پێشكەش دەكەن، بەڕاستی ئەو كارە هێندە ئاسان نیە كە ئەو هەموو دەستووسە وەك ئەمانەتێ:ی نووسین كۆبكەیتەوە وەكو خۆیشی بە چاپی بگەیەنی و بەو كارە سەروەرییەكیش بۆ مێژوو تۆمار بكەی كە شوكر بۆ خوا لە ئەمڕۆدا كەسانێك ماون بەوپەڕی پەرۆشیەوە خەم لەو كەلە شاعیرە دەگرن و ناهێڵن كانی زانست و زانیارییەكانی بۆیە یەك ساتیش وشك بێت و تەڕاتی لێ نەتكێ.

© 2017 Hawler