ئاب 18, 2019

فیمینیزم و هاوڵاتیبوونی یەکسان

کتێبی فیمینیزم و هاوڵاتیبوونی یەکسان، توێژینەوەیەکی هزری سیاسی کۆمەڵایەتییە دەربارەی فیمینیزم و هاوڵاتیبوون و لەلایەن (سازگار عەبدول) ئەنجام دراوە پرۆفیسۆری یاریدەدەر (د.ئومید ڕەفیق فتاح) سەرۆکی زانکۆی جیهان/سلێمانی، سەرپەرشتیاری زانستی کراوە.

ئه‌م کتێبه‌ ده‌روازه‌یه‌کی زانستی گرنگه‌ بۆ ناساندنی بزوتنەوەی فیمینیزم وەکو بزافێکی هزری، که‌ تێیدا به‌ وردی لە بنەما و گوتارە فیکرییەکانی ئەم بزاڤە دەکۆڵێتەوە، هاوکات قۆناغ و زەمینەی گەشەسه‌ندنی شیدەکاتەوە و هەوڵەکانی بیریاران و تێز و گوتارەکانیان هەڵدەسەنگێنێت. توێژینەوەکە لە چوار بەشی سەرەکی پێکهاتووه‌: لە بەشی یەکەمدا چەمکی فیمینیزم و هاوڵاتیبوونی یەکسا و لە بەشی دووەمدا بنەما هزرییەکانی فیمینیزم و هاوڵاتیبوونی یەکسان، خراوەتە بەر باس و پێناسە کراون
هەرچی بەشی سێیەمە تییدا گوتاری فیمینیزم دەربارەی هاوڵاتیبوونی یەکسان لێی کۆڵراوەتەوە لە بەشی کۆتایشدا دەرئەنجام و پێشنیاری کۆتایی و لیستی سەرچاوەکان ئاماژەی بۆکراوە و پاشکۆی وێنەو ناوی کەسایەتییە دیارەکانی فیمینیزم خراوەتەڕوو .هاوکات توێژەر نزیکەی (100) سەرچاوەی جیاوازی تێدا بەکارهێناوە.

© 2017 Hawler