کانونی یەکەم 09, 2019

یانەكانی (پێشمەرگەی سلێمانی، زاخۆ و پێشمەرگەی هەولێر) لە قۆناغی كۆتایی نزیك دەبنەوە

تا دێت یارییەكانی خولی تۆپی پێی تازەپێگەیشتووانی یانە نایابەكانی كوردستان لە قۆناغی كۆتایی نزیك دەبێتەوەو خەریكە ناسنامەی هەر (چوار) یانە سەركەوتووەكەی ئەم قۆناخە بۆ قۆناغی كۆتایی دەردەكەوێت و لە بەرامبەریشدا ئەو (سێ) یانەی لە هەر (سێ) كۆمەڵەكە بۆ ڕیزی یانە پلەیەكەكان دادەبەزن ئەوانیش دەردەكەون.

((نۆ) گۆڵ لە یارییەكدا)
لە گرووپی سێیەمی خولەكەدا كە یانەكانی شاری هەولێری لەخۆگرتووە، ئەم گەڕە (سێ) یاری لێ ئەنجامدرا، لە یەكەم یاری و یارییەكی پڕگۆڵدا تازەپێگەیشتووانی ئاڕاڕات لە شارۆچكەی پیرمام و لەسەر یاریگەی خۆیان میوانداری نزیكترین دراوسێی خۆیان یانەی (پێشمەرگەی هەولێر) ـیان كرد و یارییەكەشیان بە ئەنجامی (6 ـ 3) گۆلأ لێبردنەوە، دووەم یاریش ڕووبەڕووبوونەوەی هەردوو یانەی (برایەتی و زانكۆی جیهان) بوو لە یاریگەی ئەوەی یەكەمیان، یارییەكەش بە یەكسانی و بە (2 ـ 2) گۆڵ كۆتایی هات، دوا یاریش بەیەكگەیشتنی هەردوو تیپی تازەپێگەیشتووانی یانەكانی (بروسك و هەندرێن) بوو، ناونیشانی كۆتایی یارییەكەش سەركەوتنی یانەی (هەندرێن) ـی میوان بوو بە ئەنجامی (2 ـ 1) گۆڵ.

ڕێزبەندی گرووپی سێیەم:
1- پێشمەرگەی هەولێر (15) خاڵ.
2- هەولێر (11) خاڵ.
3- هەندرێن (9) خاڵ.
4- برایەتی (8) خاڵ.
5- ئارارات (6) خاڵ.
6- بروسك (4) خاڵ.
7- زانكۆی جیهان (4) خاڵ.
8- جیهان (1) خاڵ.

گرووپی دووەم:
(سێمێل ـ زێرەڤانی) ـ (0 ـ 3) گۆڵ بەهۆی كەمی ژمارەی یاریزانانی یانەی سێمێل.
(گارە ـ زاخۆ) ـ (1 ـ 2) گۆڵ.

ڕێزبەندی گرووپی دووەم:
1- زاخۆ (11) خاڵ.
2- زێرەڤانی (10) خاڵ.
3- گارە (9) خاڵ.
4- دهۆك (4) خاڵ.
5- سێمێل (2) خاڵ.

گرووپی یەكەم:
(شێروانە ـ پێشمەرگەی سلێمانی) ـ (0 ـ 3) گۆڵ.
(سیروانی نوێ ـ ڕزگاری) ـ (2 ـ 2) گۆڵ.

ڕێزبەندی گرووپی یەكەم:
1- پێشمەرگەی سلێمانی (16) خاڵ.
2- شێروانە (15) خاڵ.
3- ڕزگاری (8) خاڵ.
4- سیروانی نوێ (7) خاڵ.
5- خانەقین (هیچ خاڵێكی نیە).

یارییەكانی گەڕی داهاتوو:
گرووپی یەكەم:-
(تازەپێگەیشتووانی ڕزگاری ـ تازەپێگەیشتووانی خانەقین).
تازەپێگەیشتووانی پێشمەرگەی سلێمانی ـ تازەپێگەیشتووانی سیروانی نوێ).
گرووپی دووەم:-
(تازەپێگەیشتووانی زێرەڤانی ـ تازەپێگەیشتووانی دهۆك).
(تازەپێگەیشتووانی زاخۆ ـ تازەپێگەیشتووانی سێمێل).

گرووپی سێیەم:-
(تازەپێگەیشتووانی جیهان ـ تازەپێگەیشتووانی برایەتی).
(تازەپێگەیشتووانی هەندرێن ـ تازەپێگەیشتووانی ئاڕاڕات).
(تازەپێگەیشتووانی زانكۆی جیهان ـ تازەپێگەیشتووانی بروسك).
(تازەپێگەیشتووانی پێشمەرگەی هەولێر ـ تازەپێگەیشتووانی هەولێر).

(لەبارەی خولەكەوە)
جێگەی باسە یارییەكانی خولی تازەپێگەیشتووانی یانە نایابەكانی كوردستان بە بەشداری (18) یانە كە بەسەر (سێ) گرووپدا دابەشكراون ئەنجام دەدرێت، یارییەكانی گرووپی یەكەم و دووەم بەشێوازی خول بە دوو قۆناخ و گرووپی سێیەمیش بە (یەك) قۆناخ ئەنجام دەدرێت، دواتر لە گرووپی یەكەم و دووەم هەریەك یانەیەك و لە گرووپی سێیەم (دوو) یانە بۆ چوارگۆشەی زێڕین سەردەكەون و لە كۆتاییشدا یارییەكانی ئەم قۆناخە بە شێوازی خول بە یەك قۆناخ ئەنجام دەدرێت، ماوتەوە بڵێین لە هەر گرووپێكدا یانەیەك بۆ ڕێزی یانە پلەیەكەكان لەسەر ئاستی تازەپێگەیشتووان دادەبەزێت

 

ئومێد ئیبراهیم - هەولێر.

© 2017 Hawler