تشرینی یەکەم 16, 2018

ئەو 5 ئەستێرەیەی لە گواستنەوەكانی داهاتوودا ململانێی نێوان ریال مەدرید و بارسێلۆنا بەهێزتر دەكەن

هەر یاریزانێك بگری، ئارەزووی پۆشینی درێسی مێرێنگێ یان بلاوگرانەی هەیە، كە گرنگترین وێستگەی یاریی كردنیەتی لە كاروانی پیشەگەریدا، لەگەڵ هەڵكشان و داكشانی ئاستی ئەم دوو یانیە لەم دوایاندا، چاوەڕوان دەكرێ چەند گرێبەستێكی گەورە ئەنجام بدەن، بەمەش بازاری گواستنەوەكانی داهاتوویان گەرم دەبێت، پێشبینی دەكرێت لە نێوان دوو جەمسەرە بەهێزەكەی ئیسپانیا ململانێیەكی توند ببینرێت، ئەم یاریزانانە كێبڕكێی توندیان لەسەر دەكرێت لە نێوان ئەم دوو یانەیە.

1-هاری كین، هێرشبەری ئینگلیزی، لەم ساتانەی یاریی كردنیدا باشترین ئاست پێشكەش دەكات، لە كۆی 20، یاریی لە پاڵەوانەتیە جیاجیاكان بەشداریكردووە، توانیویەتی 18، گۆڵ تۆماربكات، 3ئەسیستیشی هەیە، چاوەڕوان دەكرێ بۆ بەدەستهێنانی تواناكانی ئەم هێرشبەرە ململانێكان بگەنە لوتكە، بەتایبەتیش دوای ئەو ئاستە خراپەی هێرشبەرە راستەقینەكانی بارسا و ریال پێشكەشی دەكەن.

2- ماركۆ ڤێراتی، ناوەڕاستكاری ئیتالی، یەكێكە لە دیارترین ئامانجەكانی بارسێلۆنا تا تواناكانی بەدەستبێنێ، هەرچەند لە هاوینی رابردوو هەوڵەكانی گواستنەوەی سەری نەگرت، بەڵام چاوەڕوان دەكرێ ئەم یاریزانە، خاڵێكی تربێت بۆ ململانێكردنی نێوان دوو یانە ئیسپانیەكە، چونكە دەیانەوێت لە رێگای ڤیراتیەوە، ناوەڕاستی خۆیان بەهێز بكەن.
3- میگێل ئۆیارزابال، یاریزانی ریال سۆسیدادی ئیسپانی، لەم دوایانەدا چاوەكان زۆربەیان لەسەر ئەون، بەهۆی پێشكەش كردنی ئاستێكی باش لەگەڵ تیپەكەی، لە كۆی 12 یارییدا 6 گۆڵی تۆمار ركردووە، چەند گۆڵێكیشی بۆ هاورێكانی درووست كردووە، تایبەتمەندە بە رەخساندنی یاریی و هەلی گۆڵكردن بۆ هاورێكانی، تێچووی گواستنەوەكانیشی رەنگە زۆر لەسەر دوو یانەكەی كلاسیكۆ نەكەوێت.

4- پاولۆ دیبالا، ئارجێنتیانی، دوایئاست بەرزبوونەوەی، وەرزبەدوایوەرز، رەنگە یۆڤێنتۆس لە پێناو پاراستنی ئەو ئەستێرەیەی تووشی پاڵەپەستۆیەكی زۆر بێتەوە، لە ئێستادا لە 16، یارییدا بەشداری كردووە و خاوەنی 12 گۆڵە، 3 گۆڵیشی بۆ هاورێكانی درووستكردووە، تایبەتمەندە بە بڕینە نایابەكان نمایشە جوانەكانی لە درووستركردنی یاریشدا بۆ تیپەكەی لێهاتووە.

5- ماورۆ ئیكاردی، ناوی ئەو پەیوەستكراوە بە گواستنەوی لە هاوینی داهاتوودا بۆ یانەی ریال مەدرید، ئەوەیش بەهۆی ئەو ئاستە باشەی لەگەڵ ئەنتەر میلانی ئیتالی پێشكەشەی دەكەات، لە 16 یارییدا توانیویەتی 16 گۆڵ تۆمار بكات، نابێ ئەوەش لە بیر بكەین لە تازەپێگەیشتوانی بارسێلۆناوە بووە لە پێشووتردا، بەراستیش لە ژێر چاوەكانی كارگێڕانی بارسێلۆنادایە بۆ گواستمەوكانی داهاتوو.

 

بارزان ئەكرەم - هەولێر

© 2017 Hawler

Please publish modules in offcanvas position.