ئەیلول 19, 2019

سابیر حه‌مه‌د: یاریگا و هۆڵی تایبه‌ت به‌ ئه‌نجامدانی چالاكییه‌ وه‌رزشیه‌كانمان نییه‌

وه‌رزش و چالاكییه‌كانی وه‌رزشی له ‌هه‌موو وڵاتان گرینگییه‌كی تایبه‌تی پێده‌درێت، تاراده‌یه‌ك به‌شێك له‌ وڵاتان به‌ سێكته‌ری یه‌كه‌می داده‌نێن، ته‌نانه‌ت هه‌ندێ كات وه‌ك ناسنامه‌یه‌ك بۆ وڵاتانی نه‌ناسراو له‌ پاڵه‌وانێتیه‌كان ده‌رده‌كه‌وێت و وڵاتان پێی ده‌ناسرێنه‌وه‌، بۆیه‌ چاودێرانی وه‌رزشی لێره‌ش به‌ پێوستی ده‌زانن گرینگی تایبه‌ت به‌م بواره‌ بدرێت، له‌ ژێر رۆشنای ئه‌م بابه‌ته‌ گرینگی وانه‌ی وه‌رزش ئه‌م دیمانیه‌مان له‌گه‌ڵ سابیر حه‌مه‌د،  به‌ڕێوه‌به‌ری په‌روه‌رده‌ی ده‌شتی هه‌ولێر ئه‌نجامداوه‌ و باسی گرفت و پلانی په‌روه‌رده‌كیمان بۆ ده‌كات.

پلانتان بۆ ساڵی نوێ چییه‌؟
سابیر حه‌مه‌د له‌سه‌ر ئه‌م پرسه‌ وتی: لە سەرەتاى ساڵى خوێندن و بە مەبەستى جێبەجێکردنى پلانى وەزارەتى پەروەردە بەشى چالاکى وەرزشى و دیدەوانى پلانى خۆى ئامادەدەکات بە هەماهەنگى لەگەڵ بەرێوەبەرایەتى گشتى پەروەردەى هەولێر و بەرێوەبەرایەتى گشتى چالاکى وەرزشى، ساڵانە دواى کۆبوونەوە لەگەڵ مامۆستایانى وەرزشى سنوورەکەمان بڕیار لەسەر چەندین چاڵاکى وەرزشى جۆرارجۆر دەدرێت، لەوانە: یارییە رێکخراوەییەکان تۆپى پێ، بالە، دەست، باسکە، فوتساڵ و چالاکى دێدەوانیەکان، خولى مەلەوانى دووساڵە ئەنجام دەدرێت لەگەڵ کۆتاچاڵاکى، كه‌ گۆرەپان و مەیدانه‌.

گرفته‌كانی به‌رده‌م ئه‌نجامدانی چالاكییه‌ وه‌رزشیه‌كانتان چین؟
سه‌باره‌ت به‌ گرفته‌كان ئاماژه‌ی به‌م چه‌ند هۆكاره‌ كرد، لەسەرەتاى دروستبوونى چاڵاکى وەرزشى لە سنوورەکەمان شوێن هۆبەى تایبەت بەخۆى هەبووە، بەڵام تاکو ئێستا خاوەنییاریگاو هۆڵى وەرزشى تایبەت بەخۆى نیە بۆ ئەنجامدانى چاڵاکیەکان ئەوەش گرفتێکە بۆ ئەنجامدانى چاڵاکیە وەرزشیەکان، بۆ ئەو مەبەستە  بە سوپاسەوە هۆڵ و یاریگاى بنکەى وەرزشى و لاوان وەردەگرین بۆ ئەنجامدانى چالاکیەکان، گرفتى دووەم دواى بەرپابوونى شەڕى داعش و دروستبوونى قەیرانى دارایی زۆربەى چاڵاکیەکان راوەستان و ئەنجام نەدران، گرفتى سێیەم کەمى کەلوپەلى وەرزشى لە قوتابخانەکان و دەکرێت بڵێین زۆربەیان لەکارکەوتوون ئەویش هەر بەهۆى قەیرانى دارایی کە نەتوانرا ساڵانە پێداویستیەکان بۆ قوتابخانەکان دابینبکرێت، جگه‌ له‌مانه‌ش له‌ هه‌ندێ قوتابخانه‌ كه‌می مامۆستای وه‌رزشیمان هه‌یه‌ تایبه‌ت له‌ قوتابخانه‌ی كچان، هیوادارم ئه‌م وه‌رزه‌ چاره‌سه‌ر بكرێت.

ئه‌نجامه‌كانتان له‌ پاڵه‌وانێتییه‌كانی ده‌ره‌وه‌ی په‌روه‌رده‌ی ده‌شتی هه‌ولێر چی بوون؟
1- لە کۆتا پاڵەوانێتى گۆرەپان و مەیدان پلەى یەکەممان بەدەستهێنا لەسەر ئاستى بەرێوەبەرایەتى پەروەردەى هەولێر.      
2- پلەىیەکەم لە تۆپى بالە لەسەر ئاستى بەرێوەبەرایەتى پەروەردەى هەولێر
3- پلە دووەم لەسەر ئاستى هه‌رێم لە تۆپى بالە
4- دیارترین چالاکیمان لە ساڵى رابووردوو ئەنجامدانى فێستیڤاڵی وەرزشى بوو بەبەشدارى زیاتر لە ٨٠ قوتابخانە بۆ گشت قۆناغەکانى باخچەى منداڵان و بنه‌ڕەتى و ئامادەیی کوڕان و کچان.
5- زياتر لە 20 خولى جۆراوجۆر بۆ يارييە رێكخراوەييەكان کە ١٠٠ قوتابخانە لەسەر ئاستى پەروەردە بەشدارییان تێداکرد.
سەبارەت بە ژمارەى قوتابیانى بەشداربوو لە چالاکییەکان دەتوانین بلێین زیاتر لە ٣٠٠٠ قوتابى بە سەرجەم قۆناغەکانەوە بەشداریانکردووە

ئه‌و گیانه‌ وه‌رزشیه‌ی لای تۆ كاریگه‌ری به‌سه‌ر چالاكییه‌ وه‌رزشیه‌كانتانه‌وه‌ هه‌بووه‌؟
كوڕه‌كه‌ی حه‌مه‌د گوتیشی: من نەک هەر گیانى وەرزشیم هەیە بەڵکو تا ئێستا وەرزشوانم، وە  ئەوە زیاتر واى لەمن کردووە گرنگى زیاتر بدەم و هانى قوتابخانەکان بدەم بۆ چاڵاکیە وەرزشیەکان و کاریگەرى تەواو دروست بکەم لەسەررۆڵی  وەرزش لە قوتابخانەکان , بێگومان بە پالپشى ستافى چالاکى قوتابخانەکان کە بەڕاستى ماندوونەناسانە کاردەکەن و دڵسۆزن بۆ پیشەکەیان.

 

بارزان ئەكرەم - هەولێر

© 2017 Hawler