کانونی یەکەم 16, 2019

پاركی سامی عەبدولڕەحمان پەناگەیەكی خۆش بۆ گەشتیاران

 هەموو شارێك پێویستی بەوە هەیە پارك و باخچەی جوان و دڵگیری هەبێت تا چەند چركە ساتێكی تێدا بەسەر ببەن، بۆیە لە نێو شاری هەولێری پایتەخت بە هەوڵو كۆششی حكومەتی هەرێمی كوردستان، ژمارەیەك پارك و باخچەی جوان و دڵگیر هەن كە خەڵكی بۆ كات بەسەربردن و جەو گۆڕین ڕووی تێدەكەن و چەند ساتێك تێیدا دەمێننەوە، كە یەكێك لەوانە پاركی سامی عەبدولڕەحمانە كە دەكەوێتە ڕۆژئاوای شاری هەولێر و یەكێكە لە پاركە دڵگیر و جوانەكان و پەناگەیەكی خۆشیەش بۆ گەشتیاران كە بە شێوەیەكی سەردەمیانە دروستكراوە بە پێی نەخەشیەكی ئەندازەیی گونجاو لە بواری پارك و باخچەكان كە كۆشك و تەلاری جوان و نەمامگە و یاریگە و شەقام و مەلەوانگە و كافتیریا و چەندین هۆكاری دڵگیری دیكەی تێدایە كە وا دەكەن بە شێوەی بەردەوام خەڵكی سەردانی بكەن و تێیدا بمێننەوە، ئەوەی كە زۆر جێگای سەرنجیشە لە نێو ئەو پاركەدا دوو دەریاچەی گەورە و بچووك بە شێوەیەكی زۆر جوان و سەرنج ڕاكێش دروستكراوە و بە چوار دەوریشیا پەرژینێكی ئاسن و چوار نافوورە دروستكراون كە لە نێو دەریاچەكەدا بەلەمی تێدایە كە گەشتیاران سوودی لێ دەبینن و بەكاری دەهێنن، بۆیە لەسەر هەموو هاووڵاتیان و هەموو ئەوانەی پێویستە كە پاك و خاوێنی ئەو پاركە بپارێزن و نەمامەكان نەشكێنن، چونكە ئەوە موڵكی گشتیە و سوود و قازانجی هەموو لایەكی تێدایە.

شاناز زیاد ئەحمەد/ ڕاگەیاندنی پاركی سامی عەبدولڕەحمان

© 2017 Hawler