ئایار 22, 2022

زۆرترین بینراو بۆچوون

Error: No articles to display

بۆ ئەوەی گەنجان لە دەست نەدەین، پێویستە ئاشتیان بكەینەوە

عەبدولقەهار هەولێری

 

ئەگەر چی ناتوانین توێژی لاوان و گەنجان لە كۆمەڵگەی كوردی بەیەك كۆمەڵە و دەستە و تاقم ناو ببەین و هەروەك ناشتوانین لە ڕوانگەی یەك گوتاردا كۆیان بكەینەوە، بۆیە ئاساییە ئەگەر ژمارەیەكی زۆر لە گەنجان و لاوان لە گۆرەپانەكە دابن، بەڵام بە چەند شێوە شكل و دەركەوتنێكی جیاواز خۆیان بەرجەستە بكەن، لێرەوە ناوەڕۆكی ئەم بابەتەمان دەخەینە روو، كە بریتیە لەوەی توێژی گەنجان و لاوان بە هەردوو رەگەزی ( نێر و مێ )ەوە تا چەند توانیویانە ببنە هۆکارێک بۆ بایەخدان بە توێژە هاوشێوەكانیان لەناو كۆمەڵگادا. بێگومان گەنجی كورد كەوا لە كۆمەڵگەیەكی ڕۆژهەڵاتی ژیان دەگوزەرێنێ، لە رووی بوارەكانی ژیان بەگشتی و تەنانەت خەرج كردنی وزە و توانایی مرۆییانەی خۆی، ناكرێ موقارەنە بكرێ لەگەڵ گەنجی كۆمەڵگەیەكی ڕۆژئاوایی كە هەموو ئامراز و ئاسانكاریەكانی ژیانی بۆ فەراهەم كراوە لەم نێوەندەشدا كۆمەڵگەی كوردی هێشتا وەك پێویست بەدامەزراوەیی (موئەسساتی) نەكراوە، وەك پێویستیش دەوڵەت و وەزارەت و خشتە و پلان و بەرنامەكانی، خاوەنی میتۆد و عەقڵ و زانست نین، بەواتایەكی دیكە كۆمەڵگە بە كایە جیاجیاكانییەوە هەر لە ڕێساكانی خێزان و سنوورە دیاریكراوەكانی ئایین و یاسا بێسەروبەرەكانی نەریتە كۆنەكانەوە، هەتا دەگاتە بچوكترین ڕێگرییەكانی لەبەردەم خولیا و ئاواتەكانی هەر گەنجێكدا، بوونەتە گەورەترین مەترسی بۆ سەر ئایندەی خودی كۆمەڵگە بەگشتی و لاوان بە تایبەتی. لەرووی سێهەمیەوە هەندێكیان گەنجی كورد دابەش بوون بەسەر چەند بەشێكەوە، بەشێكیان تەنها خەریكی كات بەسەربردن و كەیف و خۆشین و هەندێكیان بە ژیانی سادەوە سەرقاڵن و بەشێكی دیكەیان خەریكی خوێندن و زانیاری وەرگرتنن و كۆمەڵێك لاوی چالاكیش هەیە وەك سەربازی وون بوون، بەردەوام لە هەوڵی خزمەتكردنن بەكۆمەڵگا. بۆیە بەشێوەیەكی گشتی هەندێ لەو ڕاپرسیە مەیدانیانە ئاماژە بەوە دەكەن كەوا گەنجی كورد هەست بەجۆرێك لە نامۆیی دەكات لەسەر خاكی خۆی، بە ڕادەیەك ئەو گەنجە وانازانێ كە خودی خۆی كۆمەڵگاكەی یەك جەستە كۆی كردوونەتەوە یاخود بڵێین یەك كیانن واتە بە خۆشحاڵی كۆمەڵگاكەی خۆشحاڵ بێت و بە نارجەتی و ناسۆری كۆمەڵگاكەی ناڕەحەت و ناسۆر بێت و هەست بە ئێش و ئازاری ئەندامانی كۆمەڵگاكەی بكات و لەپێناو خۆشگوزەرانی تێكۆشێ و لەپێناو مانەوەیدا خۆی بەخش بكات، لەم روانگەوەیە كە پێویستە لایەنە پەیوەندارەكان لە حكومەتی هەرێمی كوردستان مشوری خەمەكانی لاوان بخۆن و بەهەندی وەربگرن و كاری جیدی لەسەر بكەن، تاوەكو رۆحی خۆشەویستی و گیان فیداكاری لە هزر و هۆشی گەنجانی كورد زویر نەبێت.

© 2017 Hawler