کانونی دووەم 18, 2022

زۆرترین بینراو بۆچوون

Error: No articles to display

هلنگفتنا ئەمریکا و پشتەڤانیا حکومەتا هەرێمێ

هوزان عه‌بدوڵڵا

 

پشتی ژ دەستدانا دەڤەرێن کوردستانی ب ئەگەرا خیانەتا گۆرپەکا لایەنەکێ سیاسی، بێدەنگیا ئەمریکا ل هەمبەر غرور و پێشێلکاری و زێدەگاڤیێن حەیدەر عەبادی، بارودوخێ هەرێما کوردستانی هەشتێ ژ سەدێ هاتە گهورین، ئەرکێ لایەنێن سیاسی و دەستەلاتدارێن هەرێمێ گەلەک گران بوو، ب تایبەت یێ سەرۆک وەزیرێن هەرێما کوردستانێ نێچیرڤان بارزانی، لێ هەمی لایەنێن سیاسی ژ گرانیا ڤی ئەرکی رەڤین و ب بهانەیێن جودا جودا خوە ژ حکومەتێ ڤەکێشا دا، ئەرکێ گران بو سەرۆک وەزیری ما، سەرۆک وەزیران دەست بۆ شکەستنێ دانەهێلا و کار بۆ دەربازکرنا قەیرانان کر، ئەڤە ژی بێگومان سەرنجا وەلاتێن دەردور و دیسان جڤاکا نێڤدەولەتی راکێشا، ئەمریکا ژی گەلەک زیان ژ وێ پشتگوهاڤێتنا هەرێما کوردستانێ دیت و گەلەک د سیاسەتا خوەدا ل هەرێمێ هلنگفت، ئێدی هێدی هێدی زلهێزێن جیهانێ رژداتیا سەرۆک وەزیران بۆ دەربازکرنا قەیران ب باشی دیت ئەڤە ژی بۆ ئەگەر زلهێز ل دیف زلهێزی پشتەڤانیا خوە بۆ ڤێ حکومەتێ ب ناڤ ئینانا سەرۆک وەزیران دیار بکەت، ئەڤەژی دیار بو پشتی هنارتنا نامەیێن پشتەڤانیێ و بالاڤکرنا بەیانان ژ وەزارەتێن دەرڤە یێن وەلاتان و بانگهێشتکرنا سەرۆک وەزیران بۆ دەرڤەی وەلاتی، بۆ ئەگەرەکێ بهێز ژ بۆ ڤەگەراندنا سەروەریا هەرێما کوردستانێ، یا ژ هەمیێگرنگتر پشتەڤانیا ئەمریکا یە ژ بۆ حکومەتا نها گروڤەژی د دەمەکێ کێم دا دوجاران رێکس تیلەرسون پەیوەندی ب سەرۆک وەزیران کر و پشتەڤانیا وەلاتێ خوە بۆ هەرێمەکا ب هێز دیارکریە، و پێنگاڤێن حکومەتا هەرێمێ ل هەمبەر کرنا دانوستاندنا ل گەل ئیراقی ئەگەرەکێ دی یێب هێزە بۆ نیزپاکیا حکومەتا هەرێمێ بۆ کرنا دانوستاندنان دگەل بەغدا ب رێیێن دەستووری، ل ڤێرێ بزانین بۆچی ئەمریکا ل خوە زڤری و پشتەڤانیا خوە بۆ هەرێمەکا ب هێز دۆپات دکەت؟
1. کار و کریارێن سەرۆک وەزیری بۆ دەربازبوون ژ ڤێ قوناغا سەخت و دژوار سەرەرای هەمی وان دورپێچێن عەبادی ل سەر هەرێمێ داناین، خو راگرتن و دەست ب جێبجێکرنا پرۆژەیێ چاکسازیێ و کار بۆ پەیداکرنا موچەیێ وەلاتیان و پاراستنا ئەمن و ئاسایشا ڤێ هەرێمێ سەرنجا وی وەلاتی کێشا لەو پشتەڤانیا خوە دوپات کر.
2. ژ بۆ زێدەتر دەستێوەرنەدانا ئیرانێ د ئیراقی دا و بەلاڤنەبوونا پرۆژەیێ هیلالا شیعی ل دەڤەرێ ئەمریکا نەچاردکەت پشتەڤانیێ ل هەرێمەکا ب هێز د ئیراقی دا بکەت
3. پشتی ب داوی هاتنا شەرێ دژی داعشێ ئیدی ب ئاشکرای حەشدا شەعبی گەف ل بەرژەوەندیێن ئەریکا ل ئیراقی کرن ئەڤەژی دژی خواستا ئەمریکا یە و بۆ دەربازبوون ژ ڤێ چەندێ و نەمانا وان گەفان بتنێ کورد دوستێن وێنە.
پشتەڤانیا ئەمریکا بۆ سەرۆکێ حکومەتێ دڤێ قوناغێ دا بێ گومان دێ بیتە بارسڤکیەک بۆ راکرنا وی بارێ گرانێ ل سەر ملێن سەرۆک وەزیری ب تایبەت پشتی پتریا حزبێن بەژدار و حکەمتێ دا خوە ڤەکێشای و ئەرکێ گران بۆ سەرۆک وەزیرێ هێلای، لی ب دەربازبوونا دەمی ب تایبەت پشتی سەردانێن دۆپلۆاسی پێشڤەچوونێن بەرچاڤ بۆ دەربازکرنا ڤێ قوناغێ یێن دهێنە دیتن بی گومان تا کرنا هەلبژارتنان و درستکرنا کابینەیەکا نوو دێ ئەرکی گران لێ ب پشتەڤانیا وەلاتێن زلهێز یێ سەرۆکێ حکومەتێ بیت.

© 2017 Hawler