کانونی دووەم 18, 2022

زۆرترین بینراو بۆچوون

Error: No articles to display

محەمەد شەریف

 

پێوەری بێ گرفت
مافی خوێنەرانە بپرســـن پێوەری ڕاســـتە ڕێ چییە؟ لەوانەیە وەڵامەکەی ئاسان نەبێت؛ چونکە هەریەك لە ڕێبازە جیـــاوازەکان، قیبلەی خۆیان هەیە، کە دەبیتە ڕاســـتە ڕێ بۆیان، وەکو قورئانـــی پیرۆز فەرمویەتی" کـــەس روو لە قیبلـــەی کەس نـــاکات " (وما بعضهم بتابع قبلە بعض) بەو واتایەی، هەر لایەك لە کلتووری خۆی ئازادە. کەوایە، ڕاســـتە رێ رێژەییه ' نسبییە'، بەڵام، بەمانایە فەلســـەفییەکەی، کە مەبەست، بەهای مرۆڤـــە، وەکـــو ئادەمیزاد و مرۆڤایەتـــی، دەکرێ، لە تەموومـــژی ڕێژەیـــی رزگار بین و لە خـــودی مرۆڤ، دوور لە پێوەندییەکانـــی ووردبینەوە، ئەو کات بۆمان دەردەکەوی کە زانایانی لۆجیک پێناسەی ئادەمیزادیان کردووە وەکـــو : بوونەوەرێکـــی ئاقلمەند، بە هۆش، شـــیکەرەوەی دیاردەکان بە شێوازی لۆجیکی، خاوەن بیرکردنـــەوەو مێـــژوو، هەر لە خۆرســـکەوە خراپ و چاکـــە لێکدەکاتەوە. قورئانـــی پیرۆزیش هەر ئەوها، فەرمویەتی: " ونفس وما سواها فالهمها فجورها وتقواها ". بۆیە هەندێك لە زانایان بەرپرســـیارەتی مرۆڤ، بێ ئەوەی دینی سەماوی پێگەیشتبی، دەسەڵمێنن.دیارە کە مەعریفە و زانین پێناســـەی ئادەمیزادە کە هەر بە خۆرسکی چاک و خراپ لێکدەکاتەوە.
لە ئەنجامی ئەم فاکتە ڕاســـتییە، وەکو پرەنســـیپ، مرۆڤ ئەگەر لێی نەشێوێندری ڕاست و چەپی خۆی لێکدەکاتەوە، ئەوە خۆرسکی خوداییە " فطرة " ویاسای سروشتییە " قانون طبیعي ". لە گەڵ ئەوەشـــدا بـــۆ هەر بوارێك پێوەری خۆی هەیە.
بـــۆ نمونە، لەبواری ژیانـــی کۆمەڵایەتی هاو چەرخ، مەبەســـت لەراســـتە ڕێ، ئەو چەمکانەیە، کە کۆمەلگای نێودەولەتی، چەســـپاندیتی لە پەیمانە نێودەولەتییەکان، هەر وەها گونجاون لەگەڵ یاســـای سروشـــتی و بنەمایەکانی یاسای پەروەردیگار کە تێدا مافەکانـــی هەموو کەس و هەموو ڕەنگ پاریزراوە، لە پێش هەموویانە دادوەری و یەکسانی.

© 2017 Hawler