ئەیلول 18, 2020

هەولێر سەنتراڵی ئاشتی و ئاوەدانییە

شوعلە رەسوڵ

 

لە بەرسڤی بابەتی رۆژدا لە مێژە هەولێر سەلماندوویەتی کە سەنتراڵی ئاشتی و ئاوەدانیە، لە سترۆکتورە و پێکهاتەی ئەو شارەدا لە هەموو بوار و رەهەندە جۆراو جۆرەکانی تری ژیان دا هەمەچەشنەیی و هەمەڕەنگی کۆمەڵگای کوردستانە.
بێگومان راستەقینەی ئێستای نیشتیمانمان بەرهەمی هەزاران ساڵی خەبات و تێکۆشانی گەلەکەمانە بەو هەمەرەنگییەی کە لە کوردستان دا بەرجەستە بووە .
ئۆتۆریتەی سیاسی و شەرعیەتی سیاسی ئەو سەنتراڵەی کە ناوی هەولێرە ساڵانێکە بۆتە دیدگەی نەتەوەیی و تێکۆشان بۆ سەربەخۆیی.
چەقی ململانێ لەو شارەدا بە دیسکۆرس و دانانی بەردی بناغەی قوتابخانەیەک هیچ لە راستی گەشەی ئابووری و هزر و ئەندێشەی سیاسی ئەو شارە ناگۆڕێت لە کاتێک دا ئافراندن بۆتە روانگەی پراکتیزەکردنی بونیادنانی پایە و پێکهێنەرە سەرەکییەکانی نەتەوەخوازی و ئینتیمای نیشتیمانی.
لە دونیای کۆرۆنا و پاش کۆرۆنا یەک ریزی لایەن و پێکهاتەکان دەبێ بکرێتە سەرەتای سکێجێک کە پەرجووەکەی سیمبوڵ و هێماکانی ئۆنتۆلۆژی کوردایەتی بێت، کە ریالیستی ئەمرۆی گەلەکەمانە، نەک دیسکۆرسی توندئاژۆ کە نیهیلیزم و رەش بینی بەرهەم بهێنێت و رەهەندی نیگەتیڤی لێ بکەوێتەوە.
دەسەڵاتی هەولێر سنوری ئەقڵی حیزبایەتی تێپەڕاندوە، لە بۆتەی ئەزموونی دا فۆکس لەسەر گۆڕانکارییە ئیقلیمی و جیهانییەکان دەکاتەوە .
لە رۆژەڤی کارو چالاکییەکانی دا، تەوریدی فکر و ئەندێشەی بوون و شوناسی گەلێکە لە نیشتیمانی خۆی دا، کە ئەو میتینگە یە بە فاکتێکی دیرۆکی ناوزەد دەکرێت. ئیتر دروشمی بریقەدار و ململانێ
بۆ فراوانی هەژموونی دەسەڵاتداری لە دۆگمایەکی چەقبەستوو زیاتر نیە لە رووبەرێکی تەسک دا و لە مەودایەکی کورت بیندا، بێ دەرئەنجام دەبێت.
لە روانگەی پارێزگاریکردن لە نیشتیمان و سەربەخۆیی لە هەولێرەوە پلانی سەرکەوتنی داڕێژراوە و بێ مەرز پراکتیزە دەکرێت، رێگا راستەکە ململانێ نیە بۆ دەسەڵات، ململانێ یە لەگەڵ دەسەڵاتی رژێمی نەتەوەی سەردەست بۆ جیابوونەوە و سەربەخۆیی نیشتیمان.

© 2017 Hawler