ئاب 09, 2020

زۆرترین بینراو بۆچوون

Error: No articles to display

هاودەنگ فاروق

 

پێویستە یارمەتیی دوولایەنەی خەڵك و حكوومەت ببێتە بنەمایەكی كولتووری وهاوئاهەنگی لەسەر ئەو بنەمایە داهاتوویەكی گەش و ڕووناك بۆ وڵاتەكەمان بنیات بنێین، بەتایبەتی لەم قۆناغە قورسەی ئێستادا كە لەلایەك دەیان پیلانی ئاشكرا و شاراوە لەسەر كوردستانە و لەلایەكیشەوە بڕیاری چاكسازی، بڕیارێكی شێلگیرانە و جیددیە و، ئەوانەی دەرگا و ڕێگای گەندەڵییان لێ دادەخرێت، بە هەموو پیلان و پلانێك كۆسپ و تەگەرە دەخەنە سەر ڕێگەی چاكسازی و تەنانەت هێندێك بە ئاشكرا لە پێناو بەرژەوەندی شەخسیی خۆیاندا داوای نەمانی كورد و كوردستان و هەڵوەشاندنەوەی قەوارەی هەرێمی کوردستان دەكەن .
لەو هەلومەرجەدا پێویستە بە رەچاوكردنی رێگاچارەكانی تەندروستی و خۆپارێزی لەو ڤایرۆسە، یارمەتیدەری خۆمان و ئازیزانمان و حكوومەتیش بین.
ڕاستە هاووڵاتییان بە هۆی قەدەغەی هاتووچۆوە، جۆرێک لە بێزاریان پێوە دیارە، حکوومەتیش لە پێناوی پاراستنی گیانی هاووڵاتیان، بە ناچارییەوە، لەگەڵ مەترسیی بەرزبوونەوەی ڕێژەی تووشبووان بە "کۆڕۆنا" بڕیاری قەدەغەی هاتوچۆ وداخستنی شوێنە گشتییەکان دەدات .
ئەمە لە وەختێکدایە حكوومەتی کوردستان دووچاری ئاستەنگی سەختی دارایی بۆتەوە، کەواتە قەدەغەی هاتوچۆ،هەم بۆ خەڵک وهەمیش بۆ حكوومەت کارێکی ئاسان نییە، هەر کەس لە ماڵەوە دابنیشێ، ژیان و کاروکاسبی ڕاوەستێ.
ئەمە ئەگەر جارێک بۆ قووت و داهاتی تاک خەراپ بێت، بۆ حكوومەتی کوردستان، چەندین بار زیانی ماددیی گەورەی لێکەوتۆتەوە، چونکە سەرمایە و ئیش وکاری خەڵک، سەرچاوەیەکی سەرەکی داهاتی حكوومەتی کوردستانە.
ڕاستە خەڵکی کوردستان لە رووی مرۆڤایەتییەوە، بوونەوەرێکی کۆمەڵایەتین و بە تێکەڵاوبوون و هاوئاهەنگی دەتوانن باشتر گەشە بکەن و ژیانیان پێش بخەن، بەڵام هێرشی ڤایرۆسی "کۆڕۆنا" پێمان دەڵێ: دەبێ تا ئەو جێیەی بۆمان دەکرێت، خۆمان حەکیم و دەوای گیانی خۆمان بین، باشترین ڕێگا و ڕێکاری خۆپارێزی وخەڵکپارێزیش، تەنیا خۆکەرەنتینکردنە لە شوێنی کار بێت، یا دانیشتن لە ماڵەوە.

© 2017 Hawler