تشرینی یەکەم 17, 2019

ریفراندۆم.. ئیرادەی نەتەوەیەك

وەیسی سەعید وەیسی

 

٢٥ی ئەیلوولی ٢٠١٧رۆژێكی بێ وێنە و جیاوازبوو لە مێژووی گەلی كوردستان، چونكە رێك لەم بەروارەدا كوردستانیان بەبێ جیاوازی بیر و بۆچوونەوە بەجۆش و خرۆشەوە بەرەو سندوقی دەنگدان چوون و سەلماندیان نەتەوەیەكن دەیانەوێت لە رێگای راپرسی یەوە بریار لە چارەنوسی خۆیان بدەن كە ئەمەش سەرەتاترین مافی هەر تاكێكی كۆمەلگایە، چونكە سەربەخۆیی و بە دەوڵەت بوونی كوردستان ئامانجی سەرەكی و ستراتیژی گەلی كوردستانە كە زیاتر لە سەدەیەكە لەم پێناوەیەدا لە خەبات و تێكۆشان دایە كەلەم سەدەیەش بارزانی نەمر بەردەوامیدا بەرێگای گەیشتن بە ڕزگاری و سەربەخۆیی كە تاكە زامنیش بۆ دووبارە نەبوونەوەی كارەساتەكانی رابردوو تەنها سەربەخۆیە بۆیە سەرۆك مسعود بارزانی وەك درێژەپێدەری ستراتیژیەت و فكرەی رێبازی بارزانی بۆ پرسی سەربەخۆیی لەگەل لایەنەسیاسیەكان هەوڵیان دا تا لەرێگای گشتپرسی و ریفراندۆمەوە گەلی كوردستان بریار لە چارەنووسی خۆی بدات و لە ٢٥ ی ئەیلولی ٢٠١٧ مێژووێكی نوێیان تۆمار كرد كە ئەمەش باشترین وەفاو و وەڵام بوو بۆ خوێنی گەشی شەهیدان و قوربانیدانی گەلەكەمان، چونكە ریفراندۆم وەك كارتێكی زێڕین مایەوە كە جگە لەوەی ئاییندەی گەلەكەمانی پاراست لە هەمان كاتیشدا سنوری كوردستانیشی پاراست كە هیچ كەس و لایەن و هێزێك ناتوانێ ناسنامەی ناوچە كوردستانییەكان بگۆرێت بۆیە ئەوەی گەلی كوردستان ئەنجامیاندا بەجێگەیاندنی ئەرك و پەیامێكی راست و رەوابوو كە گوزارشت بوو لەئیرادەی ئازادیخوازی گەلەكەمان.
هەر چەندە ئەوەی سەدەیەك بەخوێن و فرمێسك بەدی هاتبوو بەداخەوە لە ئەنجامی ناکۆکی نێوخۆیی و ١٦ی ئۆكتۆبەر بە چەند كاتژمێرێك هەمووی لە دەست درا، بەڵام ئیرادەی كوردستانیان بەهێزتربوو كە هیچ كات گرەو لەسەر شكاندنی ناكرێت چۆن نسكۆی ساڵی ١٩٧٥ توانی ئیرادەو ورەی تێكۆشەران بشكێنێت ئاواش دوای ئەم خیانەتەیە نەیان توانی بۆیەش دوای خیانەتەكەی ١٦ی ئۆكتۆبەر حكومەتی عیراق زۆر هەوڵی داتا دەرەنجامەكانی ریفراندۆم هەڵبوەشێنێتەوە بەڵام بریارەكان هیچ بنەماێكی دەستووری و یاسیان نەبوو بەڵكو بریارێكی سیاسی بوو كە دەبێت بەپی یاسا بۆ هەڵوەشاندنەوەی ئەنجامەكە گەلی كوردستان ریفراندۆمێكی تر بكات كە بەمەش دەرئەنجامەكانی ریفراندۆم بۆ هەتاهەتایە بوو بەڵگەنامەیەك كەلە لاپەڕەكانی مێژوو تۆماركراوە.
لەگەڵ یادكرنەوەی ساڵرۆژی ریفراندۆم گرنگە ئەو راستیەمان لەیادبی كەدوای خیانەتەرەشەكەی ١٦ی ئۆكتۆبەر گەر حیكمەتی سەرۆك بارزانی و قارەمانیەتی شێرەكوڕانی پارتی و بارزانی نەبا ئێستا هەرێمی كوردستان لەرەوشێكی واها دەبوو جگە لە خوای گەورە كەس نەی دەزانی چارەنووسمان چی دەبوو بەڵام ئەوان بوون هاوكێشەكانیان گۆڕی و خەونی داگیركەرانیان لەگۆرناو لە پردێ و سحێلا و محمودیە و تلسقۆف سنوریان بۆخیانەت و داگیركاران دانا بۆیە خەڵكی كوردستان پاداشتی ئەم هەلوێستەی ریفراندۆمچیەكانیان دایەوە و لە هەر دوو هەڵبژاردنی مانگی ئایار و ئەیلوولی سالی رابردوو پارتی وەك سەركێشی ریفراندۆم زۆرینەی دەنگی هێنا و وەك حزبی یەكەم مایەوە گەر ئەمە پاداشت و بەرزنرخاندنی ئەم هەلوێستە نەبێ دەبێ چی بێت چونكە نەیارانی سەربەخۆیی گرەویان لەسەر لەناوبردن و شكستی پارتی دەكرد چونكە هەر پارتیە لە دەستپێكی دامەزراندنیەوە خاوەنی پرۆژەو پلانی تایبەتە بۆ دامەزراندنی دەوڵەتی سەربەخۆیی كوردستان.
لەم یادەدا جێگای خۆیەتی پیرۆزبایێكی گەرم ئاراستەی خانەوادەی سەربەرزی شەهیدان و پێشمەرگە قارەمانەكان وخەڵكی كوردستان و سەركاروانی پرۆسەكە جەنابی سەرۆك مسعود بارزانی بكەین بەئومێدەوە سەیری درئەنجامەكانی ریفراندۆم دەكەین".

© 2017 Hawler