تشرینی دووەم 12, 2019

گرنگیا كۆنفرانسێ میونشن بۆ هەرێما كوردستانێ

پشكداریا شاندێ حوكمەتا هەرێما كوردستانێ د كونفرانسێ ئاسایشا میونشن دا، ئاماژەكا گرنگە ل سەر ئاستێ نێڤدەولەتی كو ئوروپا و ئەمریكا دخوازن كوردستانەكا بهێز بمینیت، سەرەرای ئەو روودانێن ل ڤێ دووماهیێ ب سەر كوردستانێ دا هاتین و ئەو فشارێن عەبادی ئێخستینە سەر خەلك و حوكمەتا كوردستانێ.
د پەراوێزا كونفرانسێ ئاسایشا میونشن دا، سەرۆك وەزیرێن كوردستانێ و سەرۆك وەزیرێن عیراقێ چەندین كومبوون ئەنجامداینە، و بێ گومانە سەركردێن جیهانی یێن ل گەل لایەنێ عیراقی كۆم دبن، رژدیێ ل هندێ كرینە كو وان عیراقەكا سەقامگیركو مافێ هەموو پێكهاتان یێ پاراستی بیت دڤێت، لەومان ژی وەلاتێن وانپشكداربووینە د پرسا نەهێلانا داعش دا و ئاڤەدانكرنا وێ دا و بێ گومان پرسا بەحسكرنا چارەكرنا كێشێن ناڤبەرا هەولێر و بەغدا تەوەرەكێ گرنگ یێ دیداران بوویە كو ل گەل لایەنێ عیراقی دهێتە بەحسكرن، خالەكا دی یا گرنگا ڤێ كۆمبوونێ دیدارا ناڤبەرا سەرۆك وەزیرێن هەرێمێ و سەرۆك وەزیرێن عیراقێ بوویە كو ل دووڤ گوتنا مەسرور بارزانی راوێژكارێ ئەنجوومەنێ ئاسایشا هەرێما كوردستانێ، عەبادی گوتیە دێ ل ماوەكێ كورت كێشێن هەرێم و بەغدا هێنە چارەكرن، كو ئەگەر بەغداڤێ چەندێ بكەت، دێ بیتە ئەگەر كو زنجیرە دیدارێن نێچیرڤان بارزانی ل گەل سەرۆكێ فرەنسا و سەرۆكێ ڤاتیكانێ و پشكداریا د كۆنفرانسێ داڤوس دا و پشكداریا شاندێ ڤێ دوماهیێ یێ دبلوماسی و ئێمناهیێ بەرهەمێ خوە هەبوویە و سەرەرای نەپشتەڤانیا ناڤخویێ ل حوكمەتا هەرێمێ، هێدی هێدی هەرێم یێ دكەڤیتە سەر پێن خوە و ل جاران ژی دێ بهێزتر لێ هێت

.
میونشن باژێرەكە دكەڤیتە هەرێما باڤاری ل وەلاتێ ئەلمانیا، ئەڤ باژێرە ب سێیەم باژێرێ مەزن یێ ئەلمانیا ژ ئالیێ روونشتڤانان ڤە دهێتە هژمارتن، كۆنفرانسێ ئاسایشا میونشن، مەزنترین و سەرەكترین كۆنفرانسە ل سەر ئاستێ جیهانێ بۆ پرسێن ئاسایش و ئارامیێ دهێتە ئەنجام دا، كو بۆ جارا ئێكێ ل سالا 1962 هاتیە سازكرن، ئێك ژ تایبەتمەندیێن ڤی كونفرانسی ئەوە كو هەردەم پێنگاڤێن گرنگ ل ڤێرە دەست پێ دكەن، هەتا ل شەرێ سار دا، گەلەك بریارێن گرنگ یێن جیهانی د ڤەرێژا ڤی كۆنفرانسی دا هاتنە دان، هەروەسا بەری هەرفتنا رژێما بەعسا ژ ڤانچوویی ل عیراقێ، د ڤی كۆنگرەی دا بەحسێ دارێشتنا ئایندێ عیراقێ هاتە كرن، هەروەسا نوكە ژی گەلەك ژ چاڤدێرێن سیاسی رژدی ل سەر پێگەهێ ڤی كۆنفرانسی دكەن كو ب گرنگی ڤە بەحسێ قەیرانێن رۆژهەلاتا ناڤەراست دكەت كو رێیێن چارەسەریێ بۆ پرسێن عیراق، لبنان، سووریا، یەمەن، لیبیا بهێتە دیتن، پشكداریا نێچیرڤان بارزانی سەرۆك وەزیرێن هەرێمێ و مەسرور بارزانی راوێژكارێ ئەنجوومەنێ ئاسایشا هەرێما كوردستانێ د ڤی كۆنفرانسێ نێڤدەولەتی دا، وێ راستیێ دسەلمینیت كو ئێكەتیا ئوروپا و جیهان وەكو دەولەتەكا سەربخوە رەفتارێ ل گەل هەرێما كوردستانێ دكەت و ئەو دخوازن ژ ئالیێ ئێمناهیێ و دبلوماسی هەرێم یا بهێز بیت و جارەكادی باوەریا خوە نەدەنە بەغدا و رەفتارا راستەوخو ل گەل هەرێما كوردستانێ بكەن و هێدی هێدی ئەو باوەری ژی بۆ وان یێ دروست دبیت ژبەر كو هەرێم یا بەرهەڤە كێشێن خوە ل گەل عیراقێ چارە بكەت، لێ عیراق نەیا بەرهەڤە، لەومان ژی د سەرەدانا ڤێ دوماهیێ یا وەزیرێ دەرڤەیێ فرەنسا دا بۆ بەغدا، بێی سەرەدانا هەرێمێ و كومبوونا ل گەل سەرۆك وەزیرێن هەرێمێ نەڤەگەری كو دیار بوو جیهان پشتەڤانیێ ل هەرێمەكا بهێز دكەن

 

رەوان نهێلی
.

© 2017 Hawler