ئەم پەڕەیە چاپ بکە

بوێری بڕیاردان

ئافرەت لە بڕیاردان دا تا چەند ئازادە؟، ئایا بڕیاردان پێویستی بە چییە و چۆن دەتوانین بڕیار بدەین لە ناو هەموو كۆمەڵگایەكدا، كە ئازادی و سەربەخۆیی هەیە لە هەمان كاتدا نا ئازادی ژێر دەستی هەیە، هیچ كۆمەڵگایەك تا ئێستا لە 100%ی ئازادی بەدەست نەهێناوە، بەڵكو تاكە ئازادی خۆی سەلماندووە، بۆ نموونە ئەوروپا هەموومان ئاشناین بەوەی، كە لە ئەوروپا خەڵكی دەتوانن ئازادانە هەڵسوكەوت بكەن و ئازادانەش بژین، وەك بە ئازادی هاتوچۆ دەكەن و ڕەخنە دەگرن و خوێندنی ئازادانەیە ئەوانە چەند بابەتێكن ئازادییەكان، باشە من پرسیارێك دەكەم ئایا لە كوردستان ئازادی هەیە بۆ ئافرەت؟!، بێگومان وەڵامی زۆرینەی خەڵك نەخێر نیە، بەڵام من دەڵێم: هەیە، لەوانەیە بڵێین چۆن لە كوردستان ئازادی هەیە، بەڵام لە ناخی تاكەكاندا نیە، بۆ ئەوەی ئازاد بژیت، دەبێت خاوەن بڕیاربیت تا هەست بە ئازادی بكەیت، هەر كاتێك بڕیارت دا بووی بە خاوەنی، ئەوكاتە تۆ خۆت ئازادی، بڕیاردان لە نێو ئافرەتاندا بابەتێكی زۆر گرنگە بۆ ئازادی، ژیان زۆرجار بە ناوی كۆمەڵگا و داب و نەریت چەند سنوورێكی نەخشە كێشراوی دەستی مرۆڤە، وەك هەموو سنوورەكانی دیكە جیهان، وە نەخشەی جیهان دەكرێت دەستكاری بكرێت و بگۆڕدرێت بۆ چەند سنوورێكی ڕێك و جوان و گونجاو بۆ ژیان، بە مەرجێك ئافرەتەكە خۆی بڕیارێك بدات، ئەگەر ئافرەت توانای خۆی دەربخات و بیسلمێنێت هیچ ڕێگرێك نابێتە بەر بەست لە نێو كۆمەڵگای كوردەواری چەندەها ئافرەتمان هەیە پێشەنگ و بوێر بووینە لە بڕیاردان، وەك (خانزادی میری سۆران)، (حەپسە خانی نەقیب)، زۆری تر وە من لە زنجیرە بابەتێك،لە هەفتەكانی داهاتوودا ڕوونكردنەوە دەدەم لەسەر بوێری بڕیاردان بۆ ئازادی، دەبێت ئافرەت باش بزانێت هەتا خۆیان بڕیار نەدەن و نەبنە خاوەن بڕیاری خۆیان ئازاد نابن، بڕیاریش بەبێ ماندوبوون و قوربانی دان نابێت، مافی ئافرەتیشە كە ئازادبێت لە

بڕیاردان، مافیش دەسەندرێت كەس پێت نابەخشێ، هەر لە بەر ئەوە پێویستە ئافرەتان بڕیار بدەن ئایا ئازادیان دەوێت یاخود ژێر دەستەیی

شادیە عەبدولوەهاب ڕواندوزی