تشرینی دووەم 30, 2021

زۆرترین بینراو

Error: No articles to display

كۆرۆنا له‌ عێراق.. ئاماری مردن و تووشبوون هه‌ر به‌ به‌رزی ماوه‌ته‌وه‌

وه‌زاره‌تی ته‌ندروستیی عێراق ئاماری 24 كاتژمێری رابردووی تووشبوون، مردن و چاكبوونه‌وه‌ی كۆرۆنای له‌سه‌رانسه‌ری وڵات به‌پارێزگاكانی هه‌رێمی كوردستانیشه‌وه‌ راگه‌یاند و به‌گوێره‌ی ئاماره‌كه‌، له‌ماوه‌ی 24 كاتژمێری رابردوودا پشكنینی پزیشكی بۆ 43 هه‌زار و 753 كه‌س ئه‌نجامدراوه‌ و تووشبوونی 9 هه‌زار و 46 كه‌سی دیكه‌ به‌ په‌تاكه‌ پشتڕاست كرایه‌وه.‌ زۆرترین ژماره‌ی تووشبوونی ئه‌مڕۆش له شاری به‌سره‌ تۆماركرا، كه‌ بریتییه‌ له‌ هه‌زار و 11 حاڵه‌ت.

وه‌ك له ‌راگه‌یه‌ندراوه‌كه‌دا هاتووه‌، له‌ماوه‌ی شه‌و و رۆژێكدا 38 كه‌س به‌هۆی په‌تاكه‌ گیانیان له‌ده‌ستداوه و 6 هه‌زار و 708 حاڵه‌تی چاكبوونه‌وه‌ش له‌په‌تاكه‌ راگه‌یه‌ندراوه‌.

تا ئێستا كۆی ئه‌وانه‌ی له‌سه‌رانسه‌ری عێراق تووشی په‌تاكه‌ بوونه، ژماره‌یان گه‌یشته‌ ملیۆنێك و 447 هه‌زار و 557 حاڵه‌ت، له‌و ژماره‌یه‌ش 17 هه‌زار و 630 كه‌س به‌هۆی ڤایرۆسه‌كه‌وه‌ گیانیان له‌ده‌ستداوه، ملیۆنێك و 320 هه‌زار و 260 كه‌سیش به‌ رێژه‌ی 91.2% به‌ته‌واوی چاك بوونه‌ته‌وه و 109 هه‌زار و 667 كه‌سیش له نه‌خۆشخانه‌كان له‌ژێر چاودێری پزیشكیدان، له‌و ژماره‌یه‌ش 603 كه‌س به‌هۆی ناجێگیری دۆخی ته‌ندروستییان له‌ژێر چاودێری چڕی پزیشكیدان.

ئاماژه‌ به‌وه‌ش دراوه‌، تا ئێستا ملیۆنێك 75 هه‌زار و 461 كه‌س له‌ سه‌رانسه‌ری عێراق ڤاكسینی كۆرۆنایان وه‌رگرتووه‌.

© 2017 Hawler